ബെംഗളൂരു: കര്ണാടകയില് പൂജാരിയെ തുപ്പിയെന്നാരോപിച്ച് യുവതിയെ ക്ഷേത്രത്തില് നിന്ന് പുറത്താക്കി. യുവതിയെ മര്ദ്ദിച്ച ശേഷം മുടിക്ക് പിടിച്ച് പുറത്തേക്ക് തള്ളി എന്നാണ് ദേശീയ മാധ്യമങ്ങള് റിപ്പോര്ട്ട് ചെയ്തത്. സംഭവത്തില് യുവതി പൊലീസില് പരാതി നല്കി.
വെങ്കിടേശ്വര ഭഗവാന്റെ ഭാര്യയാണ് താനെന്നും പ്രതിമയ്ക്ക് അരികില് ഇരിക്കണമെന്നും ആവശ്യപ്പെട്ട് യുവതി ബഹളംവച്ചതായും റിപ്പോര്ട്ടില് പറയുന്നു. വിഗ്രഹത്തിന്റെ സമീപത്ത് ഇരിക്കാന് ശ്രമിക്കുമ്പോള് പൂജാരി തടയുകയായിരുന്നു. ഇതെ തുടര്ന്നാണ് യുവതി ശാന്തിക്കാരനെ തുപ്പിയത്.
സംഭവം നടന്നത് ഡിസംബര് 21നാണെങ്കിലും യുവതി അമൃതഹള്ളി പൊലീസ് സ്റ്റേഷനില് പരാതി നല്കിയതോടെയാണ് വിവരം പുറത്തറിയുന്നത്. സംഭവത്തിന്റെ സിസി ടിവി ദൃശ്യങ്ങള് പുറത്തുവന്നിട്ടുണ്ട്. ക്ഷേത്രത്തിലെ ജീവനക്കാരന് യുവതിയെ മര്ദ്ദിക്കുന്നതും മുടിക്ക് പിടിച്ച് വലിച്ചിഴയ്ക്കുന്നതും സിസി ടിവി ദൃശ്യങ്ങളിലുണ്ടെന്ന് മാധ്യമങ്ങള് റിപ്പോര്ട്ട് ചെയ്യുന്നു. യുവതി നല്കിയ പരാതിയുടെ അടിസ്ഥാനത്തില് ഇന്ത്യന് ശിക്ഷ നിയമത്തിലെ വിവിധ വകുപ്പുകള് ചുമത്തി പ്രതിക്കെതിരെ കേസെടുത്തിട്ടുണ്ടെന്ന് പൊലീസ് അറിയിച്ചു. അതേസമയം യുവതിക്ക് മാനസികാസ്വാസ്ഥ്യമുണ്ടെന്ന് നാട്ടുകാര് പറഞ്ഞതായും റിപ്പോര്ട്ടുകള് പുറത്തുവരുന്നുണ്ട്.
STORY HIGHLIGHTS: In Karnataka, a woman was thrown out of a temple for allegedly spitting on a priest
