പെർത്ത് : ISWA ( Indian Society Of Western Australia )കൗൺസിലിലേക്കുള്ള (2024-26 ) ലൈഫ് മെമ്പർ പ്രതിനിധികളെ തിരഞ്ഞെടുക്കുന്നതിനുള്ള വോട്ടിംഗ് ഏപ്രിൽ 28 ന് നടത്തപ്പെടുകയും ഏപ്രിൽ 6 ന് നടന്ന ഓൺലൈൻ വോട്ടിംങിലൂടെയും ഏപ്രിൽ 7 ന് നടന്ന വ്യക്തിഗത വോട്ടിംങിലൂടെയും തെരഞ്ഞെടുത്ത അംഗങ്ങളിൽ നിന്നും ISWA കമ്മിറ്റിയിലേക്കുള്ള ലൈഫ് മെമ്പർ പ്രതിനിധികളെ തിരഞ്ഞെടുക്കുകയും ചെയ്തു.2024 മെയ് 1 മുതൽ പുതിയ എംസി ചുമതലയേറ്റു . ഇതിന്റെ അടിസ്ഥാനത്തിൽ കഴിഞ്ഞ വർഷങ്ങളിൽ ISWA യെ നയിച്ച പടത്തലവൻ ശ്രീ.സതീഷ് നായർ അത്യന്തം സന്തോഷ നിർഭരമായ പടിയിറക്കമാണ് നടന്നത് . മലയാളികൾക്ക് അഭിമാനിക്കാവുന്ന എന്നെന്നും ഹൃദയത്തിൽ ഓർത്തുവയ്ക്കാവുന്ന ഒട്ടനവധി സാമൂഹിക ക്ഷേമ കാര്യങ്ങളാണ് ശ്രീ.സതീഷ് നായറിന്റെ നേതൃത്വത്തിൽ ISWA കഴിഞ്ഞ വർഷങ്ങളിൽ നേടിയത് .
രണ്ട് വർഷത്തെ അശ്രാന്തമായ സമർപ്പണത്തിനും , സമൂഹത്തിൻ്റെ പിന്തുണയ്ക്കും ശേഷം, ISWA യുടെ പ്രസിഡൻ്റിൻ്റെ റോളിൽ നിന്ന് പടിയിറങ്ങുമ്പോൾ, തന്റെ ഹൃദയത്തിൽ അഭിമാനത്തിൻ്റെയും ഗൃഹാതുരത്വത്തിൻ്റെയും മിശ്രിതമാണ് അലയടിക്കുന്നതെന്ന് ശ്രീ.സതീഷ് നായർ വ്യക്തമാക്കി . നേരിട്ട ഓരോ വെല്ലുവിളിയും , ആഘോഷിച്ച ഓരോ വിജയവും തന്റെ വ്യക്തിത്വത്തിൽ സ്ഥായിയായ അടയാളം അവശേഷിപ്പിച്ചതായും അദ്ദേഹം ഓർമിച്ചു . ISWA കമ്മ്യൂണിറ്റി ഒരുമിച്ച് നടത്തിയ അവിശ്വസനീയമായ യാത്രയും, ടീമിൻ്റെ നിരന്തരമായ പ്രതിബദ്ധതയോടെയുള്ള പ്രവർത്തനങ്ങളിലൂടെ കൈവരിച്ച നേട്ടങ്ങളും കമ്മ്യൂണിറ്റിയിൽ ശാശ്വതമായ സ്വാധീനം ചെലുത്തിയതായും അദ്ദേഹം പറഞ്ഞു . തന്റെ ഭരണകാലത്ത് ISWA നേടിയ പ്രധാന നേട്ടങ്ങളെക്കുറിച്ചും അദ്ദേഹം എണ്ണിയെണ്ണി പറഞ്ഞു .അതിൽ എടുത്തു പറയേണ്ട ഒന്നാണ്
മികച്ച സാമ്പത്തിക മാനേജ്മെൻ്റിലൂടെ $100,000 തിരിച്ചടച്ചുകൊണ്ട് ICC ഭൂമിയിലെ കടം കുറച്ചതും ,
ICC സൗകര്യങ്ങൾ നവീകരിക്കുന്നതിനായി ക്യാപിറ്റൽ വർക്ക്സ് ഫണ്ടുകൾക്ക് കീഴിൽ $250,000 ഗ്രാൻ്റ് നേടിയതും .
ഇന്ത്യൻ സ്വാതന്ത്ര്യ ദിനം ആദ്യമായി WA പാർലമെൻ്റിൽ 2023 ഓഗസ്റ്റ് 15 ന് ആഘോഷിച്ചതും,പെർത്തിൻ്റെ ഹൃദയഭാഗത്ത് അതിമനോഹരമായ ദീപാവലി മേള നടത്തിയതും ഈ കമ്മ്യൂണിറ്റിക്കു കീഴിലാണ്. ഇത് സമൂഹത്തിൻ്റെ അർഹമായ പ്രൊഫൈൽ വർദ്ധിപ്പിച്ചു.വലിയ രീതിയിൽ ഓസ്ട്രേലിയൻ പൗരത്വ ചടങ്ങ് നടത്തുന്ന ആദ്യത്തെ കമ്മ്യൂണിറ്റി സംഘടനയായി ISWA മാറി .കൂടാതെ കോമൺവെൽത്ത് ധനസഹായത്തോടെ ഐസിസിയിൽ നിന്ന് പ്രവർത്തിക്കുന്ന മുതിർന്നവർക്കായി ഡേ കെയർ സെൻ്റർ സംഘടന സ്ഥാപിച്ചു.
ആരോഗ്യ സെമിനാറുകൾ, വിദ്യാർത്ഥി ഉത്സവങ്ങൾ, നാരി സംഗമം തുടങ്ങിയ മുൻനിര ഇവൻ്റുകൾ ഉൾപ്പെടെ, വലുതും മികച്ചതുമായ കമ്മ്യൂണിറ്റി ഇവൻ്റുകൾ ISWA സംഘടിപ്പിച്ചതും ശ്രീ.സതീഷ് നായരെന്ന മലയാളിയുടെ നേതൃപാടവത്തിലാണ് .കഴിഞ്ഞ 2 വർഷങ്ങളിൽ ഗ്രാൻ്റുകളും സ്പോൺസർഷിപ്പും ഗണ്യമായി വർധിപ്പിക്കാനും സംഘടനയ്ക്ക് കഴിഞ്ഞു.
തങ്ങൾ സൃഷ്ടിച്ച ഓർമ്മകളും കെട്ടിപ്പടുത്ത ബന്ധങ്ങളും എന്നെന്നേക്കുമായി തൻ്റെ ഹൃദയത്തിൽ നിലനിൽക്കുമെന്നും ISWA-യുടെ പാരമ്പര്യം പിന്തുടർന്ന്, സംതൃപ്തിയുടെയും സന്തോഷത്തിൻ്റെയും ഒരു അപാരമായ ബോധത്തോടെ, സമർപ്പണവും അഭിനിവേശവും പ്രതിഫലിപ്പിക്കുന്ന വിശ്വസ്ത സഖ്യകക്ഷിയായ ദീപക് ശർമ്മയ്ക്ക് താൻ ബാറ്റൺ കൈമാറുന്നതായും ,പുതിയ പ്രസിഡൻ്റ് ദീപക് ശർമ്മയ്ക്കും അദ്ദേഹത്തിൻ്റെ ടീമിനും ISWA യുടെ യാത്രയിൽ പുതിയ അധ്യായം ആരംഭിക്കുമ്പോൾ എല്ലാവിധ ആശംസകൾ നേരുന്നതായും ശ്രീ.സതീഷ് നായർ അറിയിച്ചു .
