ന്യൂ സൗത്ത് വെയിൽസിലെ ഫോർബ്സ് നഗരത്തിൽ നടന്ന ലേലത്തിൽ, ഓരോ ആടിനും ഓസ്ട്രേലിയൻ ഡോളർ 460 വരെ വില ലഭിച്ചു. ഇത് ദേശിയതലത്തിൽ ആടിന് ലഭിച്ച ഏറ്റവും ഉയർന്ന വിലയാണ്.
ഈ വിലക്കയറ്റത്തിന് പ്രധാന കാരണം, രാജ്യത്ത് ഉണ്ടായ വരൾച്ചയും, ഗുണമേൻമയുള്ള ആടുകളുടെ ക്ഷാമവുമാണ്. അതേസമയം, ഇറക്കുമതി ആവശ്യകതയും വിപണിയിലെ മത്സരം കൂടിയതും വില വർധിക്കാനിടയായി.
വിക്ടോറിയയിലെ ബാലാരറ്റിലും, ദക്ഷിണ ഓസ്ട്രേലിയയിലെ ഡബ്ലിനിലും, ടാസ്മാനിയയിലെ പോവ്രാനയിലുമെല്ലാം ആടുകൾക്ക് ഉയർന്ന വില ലഭിച്ചു. ഏറ്റവും കുറച്ച് വില കണ്ടത് പടിഞ്ഞാറൻ ഓസ്ട്രേലിയയിലായിരുന്നു, എന്നാൽ അവിടെയും നിലവാരമുള്ള ആടുകൾക്ക് നല്ല വില തന്നെ ലഭിച്ചു.
കർഷകർക്ക് ഇത് വലിയ ആശ്വാസമായെങ്കിലും, ഇറച്ചി വിപണിയിൽ ഇത് വിലക്കയറ്റം ഉണ്ടാക്കും എന്ന ആശങ്കയും ഉയരുകയാണ്.
