കാന്ബറ: ആസ്ത്രേലിയിലെ ഹൈന്ദവ ക്ഷേത്രത്തിന്റെ ചുറ്റുമതിലില് പ്രധാനമന്ത്രി നരേന്ദ്രമോദിയുടെ വികലമായ ചിത്രം പതിക്കുകയും ആക്ഷേപങ്ങള് വാക്കുകള് എഴുതുകയും ചെയ്ത സംഭവത്തിന് പിന്നില് ഖലിസ്ഥാന് വാദികളല്ലെന്നും ഹിന്ദുക്കള് തന്നെയാണെന്നും വ്യക്തമായതോട കേസ് അവസാനിപ്പിക്കാനൊരുങ്ങി പോലീസ്.
സംഭവത്തിന് പിന്നില് ഹിന്ദുക്കള് തന്നെയാണെന്ന് സ്ഥിരീകരിച്ച ക്യൂന്സ്ലാന്ഡ് പോലീസ്, ഇതിന്റെ തെളിവുകളും പുറത്തുവിട്ടു. സംഭവം നടക്കുമ്ബോള് ക്ഷേത്രപരിസരത്ത സിസിടിവി ഓഫ് ചെയ്തിരുന്നതായും പോലീസ് കണ്ടെത്തി. രാജ്യത്ത് ഖലിസ്ഥാന് വാദികള് ശക്തമാണെന്നും അതിലേക്ക് ശ്രദ്ധ ലഭിക്കുന്നതിന് വേണ്ടിയാണ് ക്ഷേത്രത്തിന് നേരെയുണ്ടായ ആക്രമണശ്രമമെന്നാണ് ക്യൂന്സ്ലാന്ഡ് പോലീസിലെ അന്വേഷണ ഉദ്യോഗസ്ഥര് പറയുന്നത്. ക്ഷേത്രത്തെ ലക്ഷ്യംവച്ചുണ്ടായ സംഭവങ്ങളില് പോലീസ് പ്രദേശത്തെ സിഖ് സംഘടനാ ഭാരവാഹികളെ ചോദ്യംചെയ്തെങ്കിലും അവര്ക്കൊന്നും ഇതില് പങ്കില്ലെന്നും വ്യക്തമായി.
മാര്ച്ച് മൂന്നിനാണ് ബ്രിസ്ബണിലെ ക്ഷേത്രത്തിന്റെ മതിലില് നരേന്ദ്രമോദിയുടെ വികലമായ ചിത്രങ്ങളും ഇന്ത്യാവിരുദ്ധ മുദ്രാവാക്യങ്ങളും പ്രത്യക്ഷപ്പെട്ടത്. മോദി ഭീകരന് എന്നും മറ്റും എഴുതുകയും ചെയ്തിരുന്നു.
സമാനരീതിയില് വിക്ടോറിയയിലെ ക്ഷേത്രത്തിലും സംഭവിച്ചതായും പോലീസ് പറഞ്ഞു. രണ്ടിന് പിന്നിലും ഒരേ സംഘം തന്നെ ആകാനാണ് സാധ്യതയെന്നും പോലീസ് സംശയിക്കുന്നു.
രണ്ട് മാസത്തിനുള്ളില് ഇത്തരത്തില് നാലുസംഭവങ്ങളാണ് ആസ്ത്രേലിയയില് റിപ്പോര്ട്ട്ചെയ്തിരുന്നത്. മെയില് പ്രധാനമന്ത്രി നരേന്ദ്രമോദി ആസ്ത്രേലിയ സന്ദര്ശിക്കാനിരിക്കെയായിരുന്നു ഈ സംഭവങ്ങളെല്ലാം.
എല്ലാത്തിനും സമാനസ്വഭാവം ഉണ്ടായതോടെ രാജ്യത്ത് വര്ധിച്ചുവരുന്ന സിഖ് തീവ്രവാദത്തിന് തെളിവായി ഇത് ചൂണ്ടിക്കാട്ടിയിരുന്നു. ആസ്ത്രേലിയന് സന്ദര്ശനത്തിനിടെ നടന്ന കൂടിക്കാഴ്ചകളില് ഈ സംഭവങ്ങളെല്ലാം അവിടത്തെ ഭരണാധികാരികളുമായി നരേന്ദ്രമോദി സൂചിപ്പിക്കുകയും ചെയ്തിരുന്നു. എന്നാല്, സംഭവത്തില് സിഖ് സംഘടനകള്ക്ക് പങ്കില്ലെന്നും ഹിന്ദുത്വ ആശയക്കാര് തന്നെയാണ് ഇതിന് പിന്നിലെന്നുമാണ് ഇപ്പോള് പുറത്തുവന്നുകൊണ്ടിരിക്കുന്നത്.
