മെൽബൺ:-മിൽപാർക്ക് സെൻ്റ് ഫ്രാൻസിസ് ദേവാലയത്തിൽ വിശുദ്ധ അന്തോനീസിന്റെ നൊവേനയും വിശുദ്ധ കുർബാനയും മലയാളത്തിൽ ആരംഭിച്ചതിന്റെ പത്താം വാർഷികാഘോഷങ്ങൾ പ്രൗഢഗംഭീരമായി ആഘോഷിച്ചു.
ഫാദർ വർഗീസ് വാവോലിൽ, ഫാദർ ജോസഫ് പനക്കൽ, ഫാദർ വിൻസെന്റ് മഠത്തിപ്പറമ്പിൽ തുടങ്ങിയവർ ചേർന്ന് നിലവിളക്ക് കൊളുത്തി പത്താം വാർഷിക ആഘോഷങ്ങൾ ഉദ്ഘാടനം ചെയ്തു.
സെൻ്റ് ആൻ്റണി കോർ ഗ്രൂപ്പ് അംഗങ്ങളായ ജോയ് മാത്യു, ഷാജി വർഗീസ്, ഷാജി എബ്രഹാം, സാജു മാത്യു, ജിജിമോൻ ജോസഫ്, സജി ദേവസി, ലൗലി ജോൺ തുടങ്ങിയവർ ആഘോഷ പരിപാടികൾക്ക് നേതൃത്വം നൽകി. പത്താം വാർഷികാഘോഷങ്ങൾക്ക് തുടക്കം കുറിച്ചുകൊണ്ട് ആഘോഷമായ സമൂഹബലിയും തുടർന്ന് ഹാളിൽ സ്നേഹവിരുന്നും ഒരുക്കിയിരുന്നു. കലാപരിപാടികളോടുകൂടി വാർഷികാഘോഷം സമാപിച്ചു.
