സിഡ്നി: പ്രമുഖ മാധ്യമപ്രവർത്തകനും എഴുത്തുകാരനുമായ സന്തോഷ് കരിമ്പുഴയെ ലോകകേരളസഭ അംഗമായി വീണ്ടും തെരഞ്ഞെടുത്തു. പ്രവാസലോകത്തിനും സാഹിത്യ സാസ്കാരിക രംഗത്തിനും നൽകിയ സംഭാവനകളെ മുൻ നിർത്തിയാണ് ഒരിക്കൽക്കൂടി ലോകകേരളസഭ അംഗമായി തെരഞ്ഞെടുത്തത്.
കേരള കലാമണ്ഡലം അവാർഡ്, ഭാഷ സമന്വയവേദി അവാർഡ്, ഗ്ലോബൽ ഓർഗനൈസേഷൻ ഓഫ് പീപ്പിൾ ഓഫ് ഇന്ത്യൻ ഒറിജിൻ (ജിഒപിഐഒ)അവാർഡ്, പ്രവാസി ഭാരതി അവാർഡ് തുടങ്ങി കേരളത്തിൽ നിന്നും വിദേശത്തു നിന്നുമായി നിരവധി പുരസ്കാരങ്ങൾ ലഭിച്ചിട്ടുണ്ട്.
ഓസ്ട്രേലിയയിൽ നിന്നുമുള്ള പ്രതിനിധിയാണ് സന്തോഷ് കരിമ്പുഴ. ഈ മാസം 13,14,15 തീയതികളിൽ തിരുവനന്തപുരത്ത് വച്ചാണ് ലോകകേരള സമ്മേളനം നടക്കുന്നത്.
നിയമസഭയിലേക്കും പാർലമെന്റിലേക്കും തെരഞ്ഞെടുക്കപ്പെട്ട പ്രതിനിധികളും പ്രവാസികളെ പ്രതിനിധീകരിച്ചു വിവിധ രാജ്യങ്ങളിൽ നിന്നുമുള്ള പ്രതിനിധികളും ഉൾപ്പെടുന്നതാണ് ലോകകേരളസഭ.
