സിഡ്നി : സംഗീത ഉപകരണങ്ങൾ അഭ്യസിച്ചു കൊണ്ടിരിക്കുന്ന കുട്ടികൾക്കു സ്റ്റീഫൻ ദേവസ്സി ,ഫ്രാൻസിസ് സേവ്യർ ,അഖിൽ ബാബു തുടങ്ങിയ പ്രശസ്ത സംഗീതജ്ഞരുമായി സംവദിക്കുവാൻ മീറ്റ് ആൻഡ് ഗ്രീറ്റ് പരിപാടി ഒരുക്കുന്നു .ജൂലൈ 18 വൈകുന്നേരം നടക്കുന്ന ഈ പരിപാടിയിൽ പങ്കെടുക്കുവാൻ താല്പര്യമുള്ളവർ എത്രയും വേഗം സംഘാടകരുമായി ബന്ധപ്പെടേണ്ടതാണ്. ജൂലൈ 19 നു നടക്കുന്ന ഷോയുടെ 80 % ടിക്കറ്റുകളും വിറ്റുകഴിഞ്ഞു,ന്യൂ കാസിൽ , ടാറീ എന്നീ സ്ഥലങ്ങളിൽ നിന്ന് പ്രത്യേക ബസ് സൗകര്യങ്ങളും ക്രമീകരിച്ചിട്ടുണ്ട്. വൈവിധ്യമാർന്ന ലൈവ് ഫുഡ് സ്റ്റാളുകളും ഷോയുടെ ഭാഗമായി ക്രമീകരിച്ചിട്ടുണ്ട് .
സ്റ്റീഫൻ ദേവസ്സിക്കൊപ്പം ഇൻഡോസ് റിഥംസ് അവതരിപ്പിക്കുന്ന ഫ്യൂഷൻ ചെണ്ട മേളം പരിപാടിയുടെ ഹൈലൈറ്റ് ആയിരിക്കും. ഈ മെഗാ ഷോയിൽ സ്റ്റീഫൻ ദേവസ്സിയെ കൂടാതെ ആടുജീവിതത്തിലെ പെരിയോനെ എന്ന ഗാനം ആലപിച്ചു പ്രശസ്തനായ ജിതിൻ രാജ് ,രേഷ്മ രാഘവേന്ദ്ര (പ്ലേബാക്ക് സിംഗർ ) ,ശ്യാമ പ്രസാദ് (സിംഗർ) ,പ്രശസ്ത വയലിനിസ്റ് ഫ്രാൻസിസ് സേവ്യർ, ജോഷി ജോൺ (ബേസ് ഗിറ്റാറിസ്റ് ) ,ഡാർവിൻ ഡിസൂസ (ലീഡ് ഗിറ്റാറിസ്റ് ) ,അഖിൽ ബാബു (ഡ്രമ്മർ ) ,അനിൽ അനുരാഗ് (സൗണ്ട് എൻജിനിയർ ) എന്നിവർ ഉൾപ്പെട്ട മികച്ച കലാകാരൻമാരും അണിനിരക്കുന്നു. ഒപ്പം സിഡ്നിയിലെ ഡാൻസ് സ്കൂളുകൾ അവതരിപ്പിക്കുന്ന നൃത്ത ശില്പങ്ങളും ഉൾപ്പെടെ സിഡ്നി ഇതുവരെ ദർശിക്കാത്ത ഒരു മെഗാ ഷോയാണ് നടക്കുവാൻ പോകുന്നതെന്ന് സംഘടകരായ മൊയ്തീൻ ഹബീബ് ,ഷിജോ പി ജോസ് , ജോമേഷ് ടോമി ജോസ് എന്നിവർ അറിയിച്ചു.
ഈ പരിപാടിയുടെ പ്ലാറ്റിനം സ്പോൺസർ റിയൽ എസ്റ്റേറ്റ് മേഖലയിലെ പ്രശസ്തനായ ജാക്ക് ചെമ്പരിക്കയുടെ നെക്സ ഹോംസ് ,വെൽകിൻസ് ക്യാപിറ്റൽസ് എന്നീ കമ്പനികളാണ് ടിക്കറ്റുകൾ ഓൺലൈനിൽ ലഭ്യമാണ് .
കൂടുതൽ വിവരങ്ങൾക്കും സ്പോൺസർഷിപ് അന്വേഷങ്ങൾക്കും ഷിജോ പി ജോസ് , മൊയ്തീൻ ഹബീബ് ജോമേഷ് ടോമി ജോസ് എന്നിവരുമായി ബന്ധപ്പെടാവുന്നതാണ്
Ticket Link
https://www.trybooking.com/events/landing/1221634…
