വിക്ടോറിയ : ആർട്ടിഫിഷ്യൽ ഇൻ്റലിജൻസ് ഉപയോഗിച്ച് ജീവൻ രക്ഷാ ചികിത്സകൾ വികസിപ്പിക്കുന്ന ഒരു പുതിയ ഇന്നൊവേഷൻ സെൻ്ററിനെ പിന്തുണച്ച് വിക്ടോറിയയിലെ അലൻ ലേബർ ഗവൺമെൻ്റ്. ലാ ട്രോബ് സർവകലാശാലയിൽ വെച്ച് സാമ്പത്തിക വളർച്ച മന്ത്രി ടിം പല്ലാസ് ഓസ്ട്രേലിയൻ സെൻ്റർ ഫോർ ആർട്ടിഫിഷ്യൽ ഇൻ്റലിജൻസ് ഇൻ മെഡിക്കൽ ഇന്നൊവേഷൻ (ACAMI) ഉദ്ഘാടനം ചെയ്തു . ലോകത്തിലെ ഇത്തരത്തിലുള്ള ആദ്യത്തേ സംരംഭത്തിനാണ് വിക്ടോറിയയിൽ തിരി തെളിഞ്ഞത്.
ലേബർ ഗവൺമെൻ്റിൻ്റെ 10 മില്യൺ ഡോളറിൻ്റെ പിന്തുണയോടെ കേന്ദ്രത്തിലെ വിക്ടോറിയൻ ഗവേഷകർ, കാൻസർ, രോഗങ്ങൾ, വൈറസ് എന്നിവയ്ക്കുള്ള പുതിയ ചികിത്സകളും , വാക്സിനുകൾ, ഇമ്മ്യൂണോതെറാപ്പികൾ എന്നിവ കണ്ടെത്തുന്നതിനും , മെഡിക്കൽ ഗവേഷണം, തൊഴിൽ ശക്തി വികസിപ്പിക്കൽ, ക്ലിനിക്കൽ പരീക്ഷണങ്ങൾ മെച്ചപ്പെടുത്തൽ എന്നിവയ്ക്കായും ആർട്ടിഫിഷ്യൽ ഇൻ്റലിജൻസ് ഉപയോഗിക്കും.
ആർട്ടിഫിഷ്യൽ ഇൻ്റലിജൻസ്, മെഡിക്കൽ റിസർച്ച് എന്നിവയിൽ ലാ ട്രോബ് സർവകലാശാലയുടെ നിലവിലുള്ള ഗവേഷണ കഴിവുകളെ ACAMI പുനർനിർമ്മിക്കുകയും ഒലീവിയ ന്യൂട്ടൺ-ജോൺ കാൻസർ റിസർച്ച് സെൻ്റർ പോലുള്ള ലോകത്തെ പ്രമുഖ ഗവേഷണ സ്ഥാപനങ്ങളുമായി സഹകരിച്ചു പ്രവർത്തിക്കുകയും ചെയ്യും.
ഗവേഷണത്തിനും വികസനത്തിനും വേണ്ടി എൻവിഡിയയുടെ സൂപ്പർ കമ്പ്യൂട്ടർ DGXH200 ആക്സസ് ചെയ്യുന്ന ഓസ്ട്രേലിയയിലെ ആദ്യത്തെ ഓർഗനൈസേഷനാണ് ACAMI . ഏറ്റവും പുതിയതും ഏറ്റവും നൂതനവുമായ ആർട്ടിഫിഷ്യൽ ഇൻ്റലിജൻസ് പ്ലാറ്റ്ഫോമാണിത് .
കാൻസർ-കോശങ്ങൾ കണ്ടെത്തുന്നത് സാധ്യമാക്കുന്ന ഒരു ബയോസെൻസറും സ്തനാർബുദത്തിൻ്റെ വ്യാപനം ട്രാക്കുചെയ്യുകയും കോശങ്ങൾ ചികിത്സയോട് എങ്ങനെ പ്രതികരിക്കുമെന്ന് പ്രവചിക്കുകയും ചെയ്യുന്ന ഒരു കൃത്രിമബുദ്ധി നയിക്കുന്ന കളർ മാപ്പും വികസിപ്പിക്കുന്നതിനായി കേന്ദ്രം പരീക്ഷണങ്ങൾ നടത്തുമെന്നും ഗവേഷകർ വ്യക്തമാക്കി .
ഓസ്ട്രേലിയയുടെ ഫാർമസ്യൂട്ടിക്കൽ കയറ്റുമതിയുടെ ഏതാണ്ട് 60 ശതമാനവും വിക്ടോറിയയിൽ നിന്നാണ് . ഇതിലൂടെ ബയോടെക് മേഖലയിൽ 100,000-ലധികം മുഴുവൻ സമയ ജോലികളാണ് സൃഷ്ടിക്കപ്പെടുന്നത് .വിക്ടോറിയക്കാരുടെയും ലോകമെമ്പാടുമുള്ള ജനങ്ങളുടെയും ആരോഗ്യ സംരക്ഷണം മെച്ചപ്പെടുത്തുന്നതിനും പുതിയ മെഡിക്കൽ മുന്നേറ്റങ്ങൾ നൽകുന്നതിനും ഏറ്റവും പുതിയ സാങ്കേതികവിദ്യ സഹായിക്കുമെന്ന് സാമ്പത്തിക വളർച്ചാ മന്ത്രി ടിം പല്ലാസ് പറഞ്ഞു .
