പെർത്ത്: പ്രശസ്ത വചന പ്രഘോഷകനും വാഗ്മിയുമായ ഫാ. ഡാനിയേൽ പൂവണ്ണത്തിൽ നയിക്കുന്ന ബൈബിൾ കൺവെൻഷൻ പെർത്ത് സെൻ്റ് ജോസഫ് സിറോ മലബാർ പള്ളിയിൽ വെള്ളിയാഴ്ച്ച ആരംഭിക്കും. മെൽബൺ സെന്റ് തോമസ് സിറോ മലബാർ രൂപതയുടെ ഇവാഞ്ചലൈസേഷൻ മിനിസ്ട്രിയുടെ ആഭിമുഖ്യത്തിൽ സംഘടിപ്പിക്കുന്ന ബൈബിൾ കൺവെൻഷൻ 25 മുതൽ 27 വരെയാണ് നടക്കുന്നത്.
മൂന്നു ദിവസങ്ങളിലും രാവിലെ ഒൻപത് മുതൽ വൈകിട്ട് അഞ്ച് വരെയാണ് കൺവെൻഷന്റെ സമയം. ഒക്ടോബർ 25-ന് ഓറഞ്ച് ഗ്രോവിലെ 347 കെൽവിൻ റോഡിലുള്ള പെർത്ത് സെൻ്റ് ജോസഫ് സിറോ മലബാർ പള്ളിയിലാണ് കൺവെൻഷൻ നടക്കുന്നത്.
ഒക്ടോബർ 26-നും 27-നും പെർത്ത് മിഡിൽ സ്വാനിലെ ഫൈവ് ലാ സലെ അവന്യൂവിലാണ് (5 La Salle Ave, Middle Swan) പരിപാടി നടക്കുന്നത്. റിട്രീറ്റിൻ്റെ മൂന്ന് ദിവസവും ഉച്ചഭക്ഷണം നൽകും.
ചുവടെയുള്ള ലിങ്ക് ഉപയോഗിച്ച് പേരുകൾ രജിസ്റ്റർ ചെയ്യാം.
https://forms.gle/NJgkoMzLDgQVavXA6
കൂടുതൽ വിവരങ്ങൾക്ക് ഫാ. അനീഷ് ജെയിംസ് (ഫോൺ: 0405 940 305), ഫാ. ബിബിൻ വേലംപറമ്പിൽ (0439 659 297), സോജി ആൻ്റണി (0435 379 906) എന്നിവരെ ബന്ധപ്പെടാം. വിശ്വാസത്തിലും ദൈവവചനത്തെക്കുറിച്ചുള്ള അറിവിലും വളരാനുള്ള അവസരം വിനിയോഗിക്കണമെന്ന് സംഘാടകർ അഭ്യർത്ഥിച്ചു.
കൺവെൻഷനു വരുന്നവർ താഴെ പറയുന്ന കാര്യങ്ങൾ ശ്രദ്ധിക്കണമെന്ന് വൈദികർ അറിയിച്ചു.
1) കുടുംബം ഒരുമിച്ച് ഇരിക്കണം (കുട്ടികൾ മാതാപിതാക്കളോടൊപ്പം ഉണ്ടായിരിക്കണം).
2) ബൈബിൾ, നോട്ട്ബുക്ക് മുതലായവ കൊണ്ടുവരിക.
3) വെള്ളം കൊണ്ടുവന്നാൽ സെഷനുകളിൽ പുറത്തിറങ്ങുന്നത് ഒഴിവാക്കാം.
4) റിട്രീറ്റ് ഹാളിനുള്ളിൽ ഭക്ഷണ സാധനങ്ങൾ കഴിക്കുന്നത് ഒഴിവാക്കുക.
5) റിട്രീറ്റ് ഹാളിനകത്തും പുറത്തും വോളണ്ടിയർമാർ നൽകുന്ന നിർദേശങ്ങൾ പാലിക്കുക.
6) റിട്രീറ്റ് സമയത്ത് ഫോട്ടോഗ്രാഫിയും വീഡിയോഗ്രാഫിയും അനുവദനീയമല്ല.
7) റിട്രീറ്റ് ഹാളിന്റെ അകത്തും പുറത്തും പരസ്യ സാമഗ്രികൾ, ഫ്ളയറുകൾ, വാർത്താക്കുറിപ്പുകൾ എന്നിവയുടെ വിതരണം
അനുവദനീയമല്ല.
8) റിട്രീറ്റ് സമയത്ത് കുമ്പസാരം കേൾക്കാൻ വൈദികർ ഉണ്ടായിരിക്കും.
