അതിശയിപ്പിക്കുന്ന അനേകം വീഡിയോകൾ കൊണ്ട് ഓരോ ദിവസവും സോഷ്യൽ മീഡിയയിലെ പല അക്കൗണ്ടുകളും നമ്മെ അമ്പരപ്പിക്കാറുണ്ട്. അതുപോലെ ഞെട്ടിക്കുന്ന ഒരു ദൃശ്യമാണ് ഇതും. ഇത് കാണുന്ന ഏതോരാളും ഇത് ഒരു യഥാർത്ഥ വീഡിയോ ആണ് എന്ന് വിശ്വസിക്കില്ല. ഇത് AI ചെയ്തത് ആണെന്ന് കരുതിയ ഒരുപാട് പേരുണ്ട്. ആ വീഡിയോക്ക് അങ്ങനെ കമന്റുകൾ നൽകിയവരും ഒരുപാടുണ്ട്.
ഈ വീഡിയോ ഇൻസ്റ്റാഗ്രാമിൽ ഷെയർ ചെയ്തിരിക്കുന്നത് loopsider എന്ന അക്കൗണ്ട് ആണ്. അന്റാര്ട്ടിക്കയില് നിന്നാണ് ഈ വീഡിയോ പകർത്തിയിരിക്കുന്നത്. ഒരു കപ്പലിന്റെ മുകളിൽ ബാലെ നൃത്തം ചെയ്യുന്ന ഒരു യുവതിയെയാണ് വീഡിയോയിൽ കാണുന്നത്. ബാലെ നർത്തകിയും കൊറിയോഗ്രാഫറും ആയ വിക്ടോറിയ ഡോബർവില്ലെ ആണ് വീഡിയോയിൽ ഉള്ള യുവതി.
വീഡിയോ ഒറിജിനൽ അല്ല എന്ന ചർച്ച മുറുകിയത്തോടെ വിക്ടോറിയ ഡോബർവില്ലെ തന്നെ ഇതെ കുറിച്ച് പ്രതികരിച്ചിട്ടുണ്ട്. വിക്ടോറിയയും ഭർത്താവ് മാത്യു ഫോർഗറ്റും പറയുന്നത് ഇത് ഒറിജിനൽ ആണ് എന്നാണ്. പിന്നീട് അത് എങ്ങനെ എടുത്തു എന്ന് കാണിക്കുന്ന വീഡിയോയും ഇവർ ഷെയർ ചെയ്തിട്ടുണ്ട്.
വീഡിയോ ആളുകളെ അതിശയിപ്പിച്ചതിനു കുറ്റം പറയാൻ ഇല്ല എന്ന് അത് കാണുമ്പോൾ തന്നെ മനസിലാവും. വീഡിയോയിൽ കാണുന്നത് ഒരു കപ്പലിന്റെ മുനമ്പിൽ നിന്ന് നൃത്തം ചെയ്യുന്ന വിക്ടോറിയയെ ആണ്. തണുത്തുറഞ്ഞ അന്തരീക്ഷത്തിലാണ് കപ്പലിൽ വിക്ടോറിയയുടെ മാന്ത്രികമായ ചലനങ്ങൾ. ആരെയും അതിശയിപ്പിക്കുന്നതാണ് ഈ കലാകാരിയുടെ ചലനങ്ങൾ.
നിരവധി പേരാണ് വീഡിയോ കണ്ടതും കമന്റുകൾ നൽകിയതും. ഇപ്പോഴും ഇത് ഒറിജിനൽ ആണെന്ന് വിശ്വസിക്കാൻ വയ്യ എന്ന് കമന്റ് നൽകിയവർ ഒരുപാടാണ്.
