Western Australia സർക്കാർ, local government election-ൽ വോട്ട് നിർബന്ധമാക്കാനുള്ള ആലോചനയിലാണ്. ഇപ്പോൾ ഈ തിരഞ്ഞെടുപ്പിൽ വോട്ട് ചെയ്യുന്നത് സ്വമേധയാ മാത്രമാണ്, പക്ഷേ വോട്ട് ചെയ്യുന്നവരുടെ എണ്ണം വളരെ കുറവാണ്. കഴിഞ്ഞ തിരഞ്ഞെടുപ്പിൽ രജിസ്റ്റർ ചെയ്തവരിൽ വെറും 26% പേരാണ് വോട്ട് ചെയ്തത്.
ഇത് പരിഹരിക്കാൻ സർക്കാർ ചില മാറ്റങ്ങൾ ആലോചിക്കുന്നു. നിലവിലെ രണ്ടുവർഷത്തെ half-spill system ഒഴിവാക്കി നാല് വർഷത്തെ full-term council ആക്കാനാണ് പദ്ധതിയുള്ളത്. ഇതോടെ ഭരണത്തിൽ കൂടുതൽ സ്ഥിരതയും ജനങ്ങളുടെ വിശ്വാസവും ലഭിക്കുമെന്ന് സർക്കാർ പറയുന്നു.
WA Government ഈ വിഷയത്തിൽ ഈ വർഷം അവസാനത്തോടെ പൊതുജനങ്ങളുടെ അഭിപ്രായം ശേഖരിക്കും. ചിലർ വോട്ട് നിർബന്ധമാക്കുന്നത് നല്ല കാര്യമായിരിക്കും എന്ന് കരുതുമ്പോൾ, മറ്റുചിലർ അത് വ്യക്തിസ്വാതന്ത്ര്യത്തെ ബാധിക്കുമെന്ന് പറയുന്നു. എല്ലാ അഭിപ്രായങ്ങളും പരിഗണിച്ച ശേഷം സർക്കാർ അന്തിമ തീരുമാനം എടുക്കും.
