ഓസ്ട്രേലിയയിലെ വീടുകളുടെ ലേലവിപണിയിൽ വലിയ ഇടിവ് രേഖപ്പെടുത്തിയതായി റിപ്പോർട്ടുകൾ. സർക്കാർ അടുത്തിടെ പ്രഖ്യാപിച്ച നികുതി മാറ്റങ്ങൾക്ക് പിന്നാലെ, വീടുകളുടെ ഓക്ഷൻ ക്ലിയറൻസ് നിരക്ക് 50 ശതമാനത്തോട് അടുത്തതായി താഴ്ന്നു.
വീടുകൾ ലേലത്തിന് വെച്ചെങ്കിലും വാങ്ങാൻ ആളുകൾ മുന്നോട്ട് വരാത്ത സാഹചര്യം പല നഗരങ്ങളിലുമായി കാണപ്പെടുന്നുവെന്നാണ് വിലയിരുത്തൽ. സാമ്പത്തിക അനിശ്ചിതത്വവും ഉയർന്ന പലിശനിരക്കുകളും ആളുകളെ കൂടുതൽ പിന്തിരിപ്പിക്കുകയാണ്.
നെഗറ്റീവ് ഗിയറിംഗിലും ക്യാപിറ്റൽ ഗെയിൻസ് നികുതിയിലും സർക്കാർ കൊണ്ടുവന്ന മാറ്റങ്ങൾ നിക്ഷേപകരെ പിന്നോട്ടടിപ്പിച്ചതായും റിപ്പോർട്ടുകൾ വ്യക്തമാക്കുന്നു. ഇതോടെ റിയൽ എസ്റ്റേറ്റ് മേഖലയിലെ ആത്മവിശ്വാസം കുറയുന്ന സാഹചര്യമാണുള്ളത്.
അതേസമയം, ആദ്യമായി വീട് വാങ്ങാൻ ആഗ്രഹിക്കുന്നവർക്ക് ഇത് ചെറിയ ആശ്വാസമാകാമെന്നാണ് ചിലരുടെ അഭിപ്രായം. നിക്ഷേപകരുടെ മത്സരം കുറയുന്നതിനാൽ സാധാരണ കുടുംബങ്ങൾക്ക് വീടുകൾ സ്വന്തമാക്കാനുള്ള സാധ്യത വർധിക്കാമെന്നാണ് വിലയിരുത്തൽ.
എന്നാൽ മറുവശത്ത്, വാടകവീടുകളുടെ ലഭ്യത കുറയാനിടയുണ്ടെന്ന ആശങ്കയും ശക്തമാണ്. വരും മാസങ്ങളിൽ ഓസ്ട്രേലിയൻ ഹൗസിംഗ് വിപണിയിൽ ഇനിയും മാറ്റങ്ങൾ വരുമെന്നാണ് അറിയാൻകഴിഞ്ഞത്.
