സിഡ്നി ബെഥേൽ മാർത്തോമാ ഇടവകാംഗങ്ങൾ എഴുതി പൂർത്തിയാക്കിയ ബൈബിൾ കയ്യെഴുത്തു പ്രതിയുടെ പ്രതിഷ്ഠാ ശുശ്രൂഷ ഈസ്റ്റർ ദിനമായ ഏപ്രിൽ 20-ന് നടന്നു.
ഇടവക മിഷൻ നേതൃത്വം നൽകിയ ഈ പ്രോജക്റ്റിൽ യാതൊരു ആധുനിക പ്രിന്റിംഗ് ടെക്നോളജിയും ഉപയോഗിക്കാതെയാണ് പൂർത്തിയാക്കിയത്. സൺഡേ സ്കൂൾ വിദ്യാർത്ഥികൾ മുതൽ മുതിർന്ന പൗരന്മാർ വരെയുള്ള ഇടവകാംഗങ്ങൾ കയ്യെഴുത്തു പ്രതിയുടെ ഭാഗമായി.
സിഡ്നി ഇടവകയുടെ ബഹുസ്വരതയെ അനുസ്മരിച്ച് മലയാളം, ഇംഗ്ലീഷ് ഭാഷകൾ ഉൾപ്പെടെ പതിനഞ്ച് ഭാഷകളിലാണ് ഈ ബൈബിൾ പൂർത്തിയായിരിക്കുന്നത്. മാർത്തോമാ സഭയുടെ പരമാധ്യക്ഷൻ തിയഡോഷ്യസ് മാർത്തോമാ മെത്രാപ്പോലീത്ത, ഭദ്രാസന എപ്പിസ്കോപ്പ ഗ്രീഗോറിയോസ് മാർ സ്റ്റെഫാനോസ് എന്നിവരും ഈ കയ്യെഴുത്തു ബൈബിളിൻറെ ഭാഗമായി ചേർന്നു.
സൺഡേ സ്കൂൾ കുട്ടികൾ ചിത്രീകരണങ്ങളും (Illustrations) ഇടവകജനങ്ങൾ കാലിഗ്രാഫിയും നിർവഹിച്ചു. രണ്ടു വർഷം കൊണ്ട് പൂർത്തിയാക്കിയ ഈ ബൈബിളിന്റെ പ്രതിഷ്ഠാ കർമ്മം വിശുദ്ധ കുർബ്ബാന മദ്ധ്യേ വികാരി റെവ. ഈപ്പൻ മാത്യു നിർവഹിച്ചു
