മെൽബൺ : പ്രവാസി ലോകം കണ്ട ഏറ്റവും വലിയ ചീട്ടുകളി മാമാങ്കത്തിന് ഓസ്ട്രേലിയയിലെ മെൽബണിൽ കളമൊരുങ്ങിയിരിക്കുന്നു. ഡിസംബർ 2 ശനിയാഴ്ച്ച ഉച്ചക്ക്തി 3 മണിയോടെ മെൽബൺ സൗത്തിലെ ഡാൻഡിനോങ് ഭാഗത്തുള്ള KARMA Club ന്റെ ഹാളിലാണ് പ്രഥമ ഓൾ ഓസ്ട്രേലിയ ചീട്ടുകളി മത്സരം രണ്ട് വിഭാഗങ്ങളിലായി സംഘടിപ്പിച്ചിരിക്കുന്നത്. ചീട്ടുകളി പ്രേമികളുടെ ആവേശമായ റമ്മിയും , തുറുപ്പ് ഗുലാനും യഥാക്രമം ഒറ്റക്കും , ജോഡിയുമായും മത്സരിക്കാവുന്നതാണ്. തുറുപ്പ് ഗുലാൻ കളിക്കുന്നവർ താന്താങ്ങൾക്ക് ഇഷ്ടമുള്ള ആളെ പങ്കാളിയാക്കി ജോഡിയായി കളിക്കാൻ സാധിക്കുന്ന തരത്തിലാണ് മത്സരം സംഘടിപ്പിച്ചിരിക്കുന്നതെന്ന് KARMA പ്രസിഡന്റ് റോബിൻ ജോസഫ് പറഞ്ഞു.
ഓസ്ട്രേലിയായുടെ വിവിധ ഭാഗങ്ങളിൽ നിന്നുമുള്ള നിരവധി ടീമുകളാണ്, ഈ ഉത്സവത്തിൽ മാറ്റുരയ്ക്കാനായി തയ്യാറായി വന്നിരിക്കുന്നത്. കങ്കാരുദേശത്ത് ഏറ്റവും കൂടുതൽ ടീമുകൾ മാറ്റുരയ്ക്കുന്ന-മെൽബൺ ചീട്ടുകളി മാമാങ്കം- ഇതിനോടകംതന്നെ ഓസ്ട്രേലിയായിലാകമാനം പ്രവാസി മലയാളികൾക്കിടയിൽ തരംഗമായി മാറിയിരിക്കുകയാണ്.
ഭാഗ്യവും സാമർത്ഥ്യവും മാറ്റുരക്കുന്ന മത്സരത്തിൽ ഓസ്ട്രേലിയിൽ ഉള്ള എല്ലാ മലയാളികൾക്കും -സ്ത്രീപുരുഷ ഭേദമന്യേ- പങ്കെടുക്കാമെന്ന് സംഘാടക സമതി അറിയിച്ചു. കളി നിയമങ്ങൾ ക്രോഡീകരിച്ച് , അവ നിയന്ത്രിക്കാൻ ബിജു ജോസഫ് , ലിയോ ജോർജ്ജ് , ഇന്നസെന്റ് റോസ് , വിനോദ് ജോസ് എന്നിവരടങ്ങിയ കർമ്മ കമ്മിറ്റിയംഗങ്ങളെ സംഘാടക സമിതി ചുമതലപ്പെടുത്തിയതായി PRO ജോബി ജോസഫ് അറിയിച്ചു.
റമ്മി/തുറുപ്പ് ഗുലാൻ രജിസ്ട്രേഷന് വേണ്ടി താഴെ കൊടുത്തിട്ടുമുള്ള ആളുകളുമായി ബന്ധപ്പെടേണ്ടതാണ്.
Robin Joseph – 042 669 9714
Vinod Jose – 0425 007 704
Innocent George – 0412 024 706
