മെൽബൺ: ഇമ്മനുവേൽ മാർത്തോമാ ചർച്ചിന്റെ പുതിയ വികാരിയായി നിയമിതനായ റവ. ബെന്നി സാമുവൽ വർഗീസ് അച്ചന് മെൽബൺ വിമാനത്താവളത്തിൽ ഇടവക ഭാരവാഹികൾ ഹൃദ്യമായ സ്വീകരണം നൽകി. വിമാനം വൈകിയതിനാൽ പുലർച്ചെയോടെയാണ് അച്ചൻ എത്തിയത്. എന്നിരുന്നാലും, ഇടവക വൈസ് പ്രസിഡന്റ്, സെക്രട്ടറി, ട്രസ്റ്റിമാർ, മറ്റ് സംഘടനാ ഭാരവാഹികൾ എന്നിവരുൾപ്പെടെ നിരവധി വിശ്വാസികൾ അച്ചനെ കാത്തിരുന്നു.
മെൽബണിന്റെ മണ്ണിലേക്ക് എത്തിയ അച്ചനെ വിശ്വാസികൾ സ്നേഹത്തോടെ വരവേറ്റു. തുടർന്ന് എല്ലാവരും ചേർന്ന് അച്ചനെ താമസസ്ഥലമായ പാഴ്സണേജ് വരെ അനുഗമിച്ചു. പുലർച്ചെ വരെ കാത്തിരുന്ന വിശ്വാസികളുടെ ആത്മാർത്ഥമായ സഹകരണത്തിനും സഹായത്തിനും റവ. ബെന്നി അച്ചൻ നന്ദി അറിയിച്ചു.
