ഓസ്ട്രേലിയയിലെ മെൽബണിലുള്ള വിക്ടോറിയൻ പാർലമെന്റിൽ വെച്ച് 2025 ഒക്ടോബർ 14-ന് നടക്കുന്ന സർവ്വമത സമ്മേളന ശതാബ്ദി സമ്മേളനത്തിന്റെ ഔദ്യോഗിക പോസ്റ്റർ പ്രകാശനം ചെയ്തു.ശിവഗിരി മഠത്തിന്റെ നേതൃത്വത്തിൽ സംഘടിപ്പിക്കുന്ന ഈ പരിപാടിയുടെ പോസ്റ്റർ കേരള മുഖ്യമന്ത്രി ശ്രീ. പിണറായി വിജയൻ, എം.പി.യായ ഡോ. ശശി തരൂരിന് നൽകിക്കൊണ്ടാണ് പ്രകാശനം ചെയ്തത്.
ശ്രീനാരായണ ഗുരുദേവന്റെ ‘ഒരു ജാതി, ഒരു മതം, ഒരു ദൈവം മനുഷ്യന്’ എന്ന മഹത്തായ സന്ദേശത്തെ ആസ്പദമാക്കിയാണ് സമ്മേളനം സംഘടിപ്പിക്കുന്നത്. ലോകസമാധാനം, ഐക്യം, സൗഹാർദ്ദം, മാനുഷികത, ദയ എന്നിവയെല്ലാം ശക്തിപ്പെടുത്തുന്നതിനുള്ള ഒരു സുപ്രധാന ചുവടുവെപ്പായി ഈ സമ്മേളനം കണക്കാക്കപ്പെടുന്നു.
ശിവഗിരി മഠം സർവ്വമത സമ്മേളന ശതാബ്ദി ആഘോഷങ്ങളുടെ ഭാഗമായി വിവിധ രാജ്യങ്ങളിൽ പരിപാടികൾ സംഘടിപ്പിക്കുന്നുണ്ട്. 2024 നവംബറിൽ വത്തിക്കാനിലും ഈ വർഷം ജൂണിൽ ഡൽഹിയിലും പരിപാടികൾ നടന്നിരുന്നു.
