ഓസ്ട്രേലിയൻ റിസർവ് ബാങ്ക് (RBA) പലിശ നിരക്കുകളിൽ മാറ്റം വരുത്തേണ്ടെന്ന് പ്രഖ്യാപിച്ചു. നിരക്ക് 3.60 ശതമാനമായി നിലനിർത്താനുള്ള തീരുമാനം രാജ്യത്തെ നാല് പ്രമുഖ ബാങ്കുകൾ ഉൾപ്പെടെയുള്ള ധനകാര്യ വിദഗ്ധരുടെ പ്രവചനങ്ങൾ ശരിവെക്കുന്നതായിരുന്നു.
ഈ വർഷം ആദ്യം തുടർച്ചയായി മൂന്ന് തവണ പലിശ നിരക്ക് കുറച്ചിരുന്നു. അതിനുശേഷം നിരക്ക് ഇനിയും കുറയ്ക്കുമെന്ന് പ്രതീക്ഷിച്ചിരുന്ന മോർട്ട്ഗേജ് ഉടമകളെയും ഭവന വായ്പക്കാരെയും നിരാശപ്പെടുത്തുന്നതാണ് ആർബിഎയുടെ പുതിയ നിലപാട്.
പണപ്പെരുപ്പം നിയന്ത്രിക്കുന്നതുൾപ്പെടെയുള്ള സാമ്പത്തിക ലക്ഷ്യങ്ങൾ കൈവരിക്കുന്നതിനായി നിരക്കുകൾ തൽക്കാലം നിലനിർത്താനാണ് കേന്ദ്ര ബാങ്ക് തീരുമാനിച്ചിരിക്കുന്നത്. ഇതോടെ, വായ്പയെടുത്തവർക്ക് ഉയർന്ന പ്രതിമാസ തിരിച്ചടവ് തുക (EMI) തുടർന്നും നൽകേണ്ടിവരും.
