മാൾട്ട: യൂറോപ്പ് ഭദ്രാസനത്തിലെ മാൾട്ട മലങ്കര സിറിയക് ഓർത്തഡോക്സ് ദേവാലയത്തിന്റെ വികാരിയായി ശുശ്രൂഷ അനുഷ്ഠിച്ചിരുന്ന ഫാ. പോൾ പി. ജോർജിന് ഇടവകയുടെ നേതൃത്വത്തിൽ പ്രൗഢഗംഭീരമായ യാത്രയയപ്പ് നൽകി. വിശുദ്ധ കുർബാനയ്ക്ക് ശേഷമാണ് യാത്രയയപ്പ് സമ്മേളനം സംഘടിപ്പിച്ചത്.
ഇടവക വികാരി ഫാ. ജിനു ടി. ജോയ് സ്വാഗതം ആശംസിച്ച സമ്മേളനത്തിൽ സെന്റ് അലോഷ്യസ് സേക്രഡ് ഹാർട്ട് ചർച്ചിലെ ഫാ. ഡേവിഡ് സെഫായ്, മലങ്കര കത്തോലിക്കാ സഭയുടെ വികാരി ഫാ. ജോജി, വൈസ് പ്രസിഡന്റ് എൽദോ എരളി, വനിതാസമാജം വൈസ് പ്രസിഡന്റ് ലിൻസി റെജി, യൂത്ത് അസോസിയേഷൻ സെക്രട്ടറി ആഷിക് ബെന്നി, ആൾത്താര പ്രതിനിധി ബോസ്വെൽ തോമസ് എന്നിവർ ആശംസകൾ നേർന്നു.
ഇടവക ഭരണസമിതി, യൂത്ത് അസോസിയേഷൻ, വനിതാസമാജം എന്നിവരുടെ നേതൃത്വത്തിൽ ഫാ. പോൾ പി. ജോർജിന് സ്നേഹോപഹാരങ്ങൾ സമർപ്പിച്ചു. മറുപടി പ്രസംഗത്തിൽ ഇടവകാംഗങ്ങൾ നൽകിയ സ്നേഹത്തിനും സഹകരണത്തിനും ഫാ. പോൾ പി. ജോർജ് നന്ദി രേഖപ്പെടുത്തി. റോമി തോമസ് നന്ദി രേഖപ്പെടുത്തിയതോടെ അനുഗ്രഹ പ്രാർത്ഥനയോടെ സമ്മേളനം സമാപിച്ചു.
