ബ്രിസ്ബെയ്ന് : ക്വീന്സ് ലാന്ഡില് നിന്നുള്ള ആദ്യ മലയാള ചലച്ചിത്രമായ ‘ഗോസ്റ്റ് പാരഡൈസ്’ നവംബര് 27 മുതല് ഓസ്ട്രേലിയയിലെ വിവിധ തിയറ്ററുകളില് പ്രദര്ശനത്തിനെത്തും. ബ്രിസ്ബെയ്നിലെ മൗണ്ട് ഗ്രവറ്റ് ഇവന്റ് സിനിമാസില് രണ്ടില് ആണ് ആദ്യ പ്രദര്ശനം. ഓസ്ട്രേലിയയിലെ ഇരുപത്തിയാറോളം മലയാളി കലാകാരന്മാരാണ് ഗോസ്റ്റ് പാരഡെയ്സിലൂടെ സിനിമയില് അരങ്ങേറ്റം കുറിക്കുന്നത്. 27ന് പ്രാദേശിക സമയം വൈകിട്ട് 6ന് നടക്കുന്ന പ്രദര്ശന ഉദ്ഘാടനത്തില് ഓസ്ട്രേലിയയിലെ ചലച്ചിത്ര, കലാ, സാഹിത്യ, സാംസ്കാരിക, നാടക, നൃത്ത, ആത്മീയ രംഗത്തെ പ്രമുഖ വ്യക്തികള് പങ്കെടുക്കും. ഡിസംബര് 2ന് വൈകിട്ട് 5.45ന് ഹാര്ബര് ടൗണ് ഗോള്ഡ് കോസ്റ്റിലെ റീഡിങ് സിനിമാസിലാണ് രണ്ടാമത്തെ പ്രദര്ശനം. തുടര്ന്ന് ഓസ്ട്രേലിയയിലെ വിവിധ തിയറ്ററുകളില് ചിത്രം പ്രദര്ശിപ്പിക്കും.
ഓസ്ട്രേലിയന് ചലച്ചിത്ര രംഗത്ത് സജീവമായ നടനും സംവിധായകനും നിര്മാതാവും ലോക റെക്കോര്ഡ് ജേതാവുമായ ജോയ്.കെ.മാത്യുവിന്റെ കീഴില് ചലച്ചിത്ര, കലാ പരിശീലനം ലഭിച്ചവരെയും കേരളത്തിലെ പ്രശസ്ത സിനിമാ താരങ്ങളെയും ഓസ്ട്രേലിയന് ചലച്ചിത്ര-ടെലിവിഷന് രംഗത്ത് പ്രവര്ത്തിക്കുന്നവരെയും ഉള്പ്പെടുത്തി കൊണ്ട് ക്വീന്സ് ലാന്ഡില് നിന്നും നിര്മിച്ച ആദ്യ മലയാള സിനിമയാണിത്. കഴിഞ്ഞ 17 വര്ഷങ്ങളായി ഓസ്ട്രേലിയന് ചലച്ചിത്ര കലാരംഗത്ത് പ്രവര്ത്തിക്കുന്ന, സന്ദേശചലച്ചിത്രങ്ങളിലൂടെ ശ്രദ്ധേയനായ ജോയ് കെ.മാത്യുവിന്റെ പത്തൊന്പതാമത്തെ കലാസൃഷ്ടിയാണ് ‘ഗോസ്റ്റ് പാരഡൈസ്’എന്ന സിനിമ.
ഗ്ലോബല് മലയാളം സിനിമയുടെ ബാനറില് ഓസ്ട്രേലിയന് മലയാളം ഫിലിം ഇന്ഡസ്ട്രിയുടെ സഹകരണത്തോടെയാണ് ചിത്രം പുറത്തിറക്കുന്നത്. കേരളത്തിലും ഓസ്ട്രേലിയയിലെ ക്വീന്സ്ലാന്ഡിലുമായി ചിത്രീകരണം പൂര്ത്തിയാക്കിയ സിനിമയില് ജോയ് കെ.മാത്യു, കൈലാഷ്, ശിവജി ഗുരുവായൂര്, സോഹന് സീനുലാല്, സാജു കൊടിയന്, മോളി കണ്ണമ്മാലി, ലീലാകൃഷ്ണന്, അംബിക മോഹന്, പൗളി വല്സന്, കുളപ്പുള്ളി ലീല, ടാസോ,അലന എന്നിവര് മുഖ്യ വേഷങ്ങളിലെത്തുന്നു. ഷാമോന്,സാജു, ജോബി, ജോബിഷ്, ഷാജി, മേരി, ഇന്ദു, ആഷ, ജയലക്ഷ്മി, മാര്ഷല്, സൂര്യ, രമ്യ, പൗലോസ്, ടെസ്സ, ശ്രീലക്ഷ്മി, ഷീജ, തോമസ്, ജോസ്, ഷിബു, റജി, ജിബി, സജിനി, അലോഷി, തങ്കം, ജിന്സി, സതി തുടങ്ങി ഇരുപത്തിയാറോളം പേരാണ് ഗോസ്റ്റ് പാരഡെയ്സിലൂടെ സിനിമയില് അരങ്ങേറ്റം കുറിക്കുന്നത്.
രസകരവും വ്യത്യസ്തവും ഹൃദയ സ്പര്ശിയുമായ ജീവിതാനുഭവങ്ങളും കാഴ്ചകളും പ്രേക്ഷകര്ക്ക് സമ്മാനിക്കുന്ന ഗോസ്റ്റ് പാരഡെയ്സിന്റെ കഥ,തിരക്കഥ,സംഭാഷണം,സംവിധാനം നിര്വഹിച്ചിരിക്കുന്നത് ജോയ് കെ.മാത്യു ആണ്. ആദം കെ.അന്തോണി, സാലി മൊയ്ദീന് (ഛായാഗ്രഹണം), എലിസബത്ത്, ജന്നിഫര്, മഹേഷ് ചേര്ത്തല (ചമയം), മൈക്കിള് മാത്സണ്, ഷാജി കൂനമ്മാവ് (വസ്ത്രാലങ്കാരം), ഡോ.രേഖാ റാണി, സഞ്ജു സുകുമാരന് (സംഗീതം), ഗീത് കാര്ത്തിക, ബാലാജി (കലാ സംവിധാനം), ഷാബു പോള് (നിശ്ചല ഛായാഗ്രഹണം), സലിം ബാവ(സംഘട്ടനം), ലിന്സണ് റാഫേല് (എഡിറ്റിങ്) ജുബിന് രാജ് (സൗണ്ട് മിക്സിങ് )സി.ആര്.സജയ് (കളറിസ്റ്റ് ), കെ.ജെ. മാത്യു കണിയാംപറമ്പില് (എക്സിക്യൂട്ടീവ് പ്രൊഡ്യൂസര്), ജിജോ ജോസ്,(ഫൈനാന്സ് കണ്ട്രോളര് ) ക്ലെയര്, ജോസ് വരാപ്പുഴ,(പ്രൊഡക്ഷന് കണ്ട്രോളര് ) രാധാകൃഷ്ണന് ചേലേരി (പ്രൊഡക്ഷന് എക്സിക്യൂട്ടീവ് ) യൂണിറ്റ് (മദര്ലാന്റ് കൊച്ചി, മദര് വിഷന്),ക്യാമറ (ലെന്സ് മാര്ക്ക് 4 മീഡിയ എറണാകുളം, മദര് വിഷന്), ഷിബിന് സി.ബാബു (പോസ്റ്റര് ഡിസൈന്), ഡേവിസ് വര്ഗ്ഗീസ് (പ്രൊഡക്ഷന് മാനേജര്), നിതിന് നന്ദകുമാര് (അനിമേഷന് )എന്നിവരാണ് അണിയറ പ്രവര്ത്തകര്.
