ഓസ്ട്രേലിയ : വിദ്യാർഥികൾക്കു൦ അക്കാദമിക് ഗവേഷകർക്കും ബിസിനസുകാർക്കും അവസരങ്ങൾ തുറക്കുന്നതിനായി ഇന്ത്യയും ഓസ്ട്രേലിയയും മൈഗ്രേഷൻ ആൻഡ് മൊബിലിറ്റി പങ്കാളിത്ത കരാറിൽ ഒപ്പുവച്ചു. ഈ ഉടമ്പടിക്ക് കീഴിൽ വരുന്ന, മൊബിലിറ്റി അറേഞ്ച്മെൻറ് ഫോർ ടാലൻ്റഡ് ഏർലി പ്രൊഫഷണൽസ് സ്കീം(മേറ്റ്സ്) ഇന്ത്യയിൽ നിന്നുള്ള യുവ പ്രൊഫഷണലുകൾക്ക് 3,000 വാർഷിക സ്പോട്ടുകൾ ലഭ്യമാക്കും, ഇത് വിസ സ്പോൺസർഷിപ്പിൽ ആവശ്യമില്ലാതെ തന്നെ അവർക്ക് രാജ്യത്ത് രണ്ട് വർഷം ചെലവഴിക്കാൻ അനുവദിക്കുന്നു.
ഒരുതാത്കാലിക വിസ പ്രോഗ്രാം എന്ന നിലയിൽ, MATES ൽ അംഗീകൃത ഇന്ത്യൻ സർവ്വകലാശാലകളിൽ നിന്നുള്ള പ്രത്യേക പഠന മേഖലകളിൽ ബിരുദമുള്ള ബിരുദധാരികൾ ഉൾപ്പെടുന്നു.MATES വിസയ്ക്കുള്ള യോഗ്യതയുള്ള തൊഴിൽ മേഖലകൾ(NYSE:വി), എഞ്ചിനീയറി൦ഗ്, മൈനി൦ഗ്, ഫിനാൻഷ്യൽ ടെക്നോളജി, ആർട്ടിഫിഷൽ ഇന്റലിജൻസ് ഇൻഫർമേഷൻ ആൻഡ് കമ്മ്യൂണിക്കേഷൻ ടെക്നോളജി, കാർഷിക സാങ്കേതികവിദ്യ, പുനരുപയോഗ ഊർജ്ജം എന്നിവ ഉൾപ്പെടുന്നു.
MATES വിസ പ്രോഗ്രാമിന് യോഗ്യത നേടുന്നതിന് ഉദ്യോഗാർത്ഥികൾ 31 വയസ്സിന് താഴെയുള്ള വരും അംഗീകൃതവും പരിശോധിച്ച് ഉറപ്പിച്ചതുമായ സർവകലാശാലയിൽ നിന്ന് വിദ്യാഭ്യാസം നേടിയവരും ആയിരിക്കണം കൂടാതെ അവരുടെ കരിയറിൻറെ പ്രാരംഭഘട്ടത്തിലും ആയിരിക്കണം.അതേസമയം MATES വിസക്കുള്ള ഫീസും വിസ പ്രോസസിംഗ് സമയവും ഇനിയും പ്രഖ്യാപിച്ചിട്ടില്ല.
2024 മാർച്ചിൽ വിദ്യാർത്ഥികൾ ഓസ്ട്രേലിയയിൽ താമസിക്കുന്നത് വർദ്ധിക്കാൻ അനുവദിക്കുന്ന നിയമങ്ങൾ നീക്കം ചെയ്യുകയും സ്റ്റുഡൻറ് വിസകൾക്കുള്ള ഇംഗ്ലീഷ് ഭാഷാ പ്രാവീണ്യ ആവശ്യകതകൾ വർദ്ധിപ്പിക്കുകയും ചെയ്തിരുന്നു. കൂടാതെ സ്റ്റുഡൻറ് വിസയ്ക്കുള്ള മിനിമം സേവിങ്സ് 24,505 ഓസ്ട്രേലിയൻ ഡോളറിൽ നിന്ന് (14 ലക്ഷം രൂപ) 29710 ഓസ്ട്രേലിയൻ ഡോളറായി (16 ലക്ഷം രൂപ) വർദ്ധിപ്പിച്ചു. മാത്രമല്ല സ്റ്റുഡൻ്റസ് വിസയ്ക്കുള്ള പ്രായപരിധി 50 ൽ നിന്നും 35 ആയി കുറയ്ക്കുകയു൦ ചെയ്തു. 2024 ജൂലൈ ഒന്നിന് മുമ്പ് വിസക്ക് അപേക്ഷിച്ചവർക്ക് ഈ മാറ്റം ബാധകമല്ലെങ്കിലു൦ പുതുക്കിയ വിസ നിയമപ്രകാര൦ MATES നിലവിൽ വന്നാൽ അത് കേരളത്തിലെ വിദ്യാർത്ഥികൾക്ക് അനുഗ്രഹമാകു൦.
ചില പ്രത്യേക ബിരുദങ്ങൾ ഉള്ള അന്തർദ്ദേശീയ ബിരുദധാരികൾക്ക് പോസ്റ്റ് സ്റ്റഡി തൊഴിൽ അവകാശങ്ങളുടെ രണ്ടുവർഷത്തെ വിപുലീകരണം ലഭ്യമാണെന്ന് സർക്കാർ പ്രഖ്യാപിച്ചു.ഈ വിപുലീകരണം യോഗ്യതയുള്ള അന്തർദേശീയ ഉന്നത വിദ്യാഭ്യാസ ബിരുദധാരികൾക്ക് അവരുടെ താൽക്കാലിക ഗ്രാജുവേറ്റ് വിസയിൽ( സബ്ക്ലാസ് 485 )രണ്ടുവർഷം കൂടി നൽകും പ്രാദേശിക മേഖലകളിൽ പഠിക്കുകയും ജീവിക്കുകയും ജോലി ചെയ്യുകയും ചെയ്യുന്ന യോഗ്യരായ വിദ്യാർത്ഥികൾക്ക് നിലവിലുള്ള ഒന്നോ രണ്ടോ വർഷത്തെ അധിക തൊഴിൽ അവകാശങ്ങൾക്ക് പുറമേയാണ് വിപുലീകരണം.നിലവിൽ സ്റ്റുഡന്റ് വിസയ്ക്കായി സമർപ്പിക്കുന്ന ജെനുവിൻ ടെ൦പററി എൻട്രൻ്റ്(GTE) പ്രസ്താവനയ്ക്ക് പകരം ഇനിമുതൽ ജനുവിൻ സ്റ്റുഡൻറ്(GS) എന്ന പ്രസ്താവനയാണ് സമർപ്പിക്കേണ്ടത്.
പുതുക്കിയ നിയമം അനുസരിച്ച് ടെ൦പററി ഗ്രാജുവേറ്റ് വിസയ്ക്ക് 6.5 IELTS സ്കോർ വേണം. സ്റ്റുഡൻറ് വിസക്ക് 6.0 IELTS സ്കോർ വേണം.ഇംഗ്ലീഷ് പ്രാവിണ്യ വ്യവസ്ഥകൾക്കും മാറ്റമുണ്ട്. ടെ൦പററി ഗ്രാജുവേറ്റ് വിസയുടെ ഇംഗ്ലീഷ് പ്രാവീണ്യ ടെസ്റ്റിന്റെ കാലാവധി മൂന്നു വർഷത്തിൽ നിന്ന് ഒരു വർഷത്തിലേക്ക് കുറച്ചു. ഇതുകൂടാതെ ഇംഗ്ലീഷ് പ്രാവീണ്യ പരീക്ഷ ഒരു വർഷം കൊണ്ടാണ് പൂർത്തിയാക്കിയതെന്ന് തെളിയിക്കുന്നതിനുള്ള രേഖകൾ വിസ അപേക്ഷിക്ക് മുൻപ് തന്നെ ഹാജരാക്കുകയു൦ വേണം.
