ഗോൾഡ് കോസ്റ്റ് (ഓസ്ട്രേലിയ ): പരിശുദ്ധ പരുമല തിരുമേനിയുടെ 123-ാമത് ഓർമ പെരുന്നാൾ ആഘോഷമാക്കി ഓസ്ട്രേലിയായിലെ ഗോൾഡ് കോസ്റ്റ് സെന്റ് ഗ്രിഗോറിയോസ് ഓർത്തഡോക്സ് ദേവലയം. വികാരി ഫാ. മാത്യു കെ മാത്യു ,ഫാ അജിൻ കോശി ജോൺ, ഫാ. അനീഷ് ജോൺ എന്നിവർ നേതൃത്വം നൽകി.
കുർബാനയേ തുടർന്ന് നടന്ന ധൂപ പ്രാർഥനയിലും പ്രദക്ഷിണത്തിലും അനേകം വിശ്വാസികൾ പങ്കെടുത്തു. പരുമല തിരുമേനിയുടെ സഹനവും പ്രാർഥനയും മാതൃകയാക്കിയാൽ തീരാവുന്ന പ്രശ്നങ്ങളെ ഇന്ന് ലോകത്തിന്റെ മുൻപിൽ ഉള്ളുവെന്ന് അനുസ്മരണ സന്ദേശത്തിൽ ഫാ. അജിൻ കോശി ജോൺ പറഞ്ഞു.
