മെൽബൺ : ഓസ്ട്രേലിയൻ ഇന്ത്യൻ പെന്തെക്കോസ്തൽ കോൺഫറൺസിന്റെ പന്ത്രണ്ടാത് സമ്മേളനം
ഞായറാഴ്ച നടന്ന സംയുക്ത ആരാധനയോടെ അനുഗ്രഹപൂർണ്ണമായി സമാപിച്ചു .
വെള്ളിയാഴ്ച വൈകിട്ട് ഐ പി സി ഓസ്ട്രേലിയ റീജിയൻ പ്രസിഡണ്ട് പാസ്റ്റർ വർഗീസ് ഉണ്ണുണ്ണി കോൺഫറൻസ് ഉത്ഘാടനം ചെയ്തു. റീജിയൻ സെക്രട്ടറി പാസ്റ്റർ ഏലിയാസ് ജോൺ അദ്ധ്യക്ഷത വഹിച്ചു. മൂന്നു ദിവസങ്ങളിലായി നടന്ന കോൺഫറൺസിൽ പാസ്റ്റർ ഷിബു തോമസ് (യൂ എസ് എ), സിസ്റ്റർ രേഷ്മ ഷിബു തോമസ്, പാസ്റ്റർ മെർലിൻ ജോൺ എന്നിവർ മുഖ്യ സന്ദേശങ്ങൾ നല്കി. ഞായറാഴ്ചത്തെ സംയുക്ത ആരാധനയിൽ നടന്ന കർതൃമേശ ശുശ്രൂഷയ്ക്കു നാഷനൽ കൺവീനർ പാസ്റ്റർ തോമസ് ജോർജ്ജ് നേതൃത്വം നല്കി. ബ്രദർ ജോബിൻ ജെയിംസ്, ബ്രദർ ടോമി ഉണ്ണുണ്ണി എന്നിവരുടെ നേത്യത്വത്തിൽ ഐ പി സി ഓസ്ട്രേലിയ റീജിയൻ ക്വയർ ഗാനശുശ്രൂഷകൾ നിർവഹിച്ചു.
പാസ്റ്റർ റെജി സാമുവേൽ , പാസ്റ്റർ സം ജേക്കബ് എന്നിവർ സങ്കീർത്തന പ്രബോധനം നടത്തി.
ശനിയാഴ്ച്ച പകൽ ലേഡിസ് സെഷൻ, ഫാമിലി സെഷൻ, യൂത്ത് സെഷൻ എന്നിങ്ങനെ വ്യത്യസ്ത
സെഷനുകളുണ്ടായിരുന്നു. പാസ്റ്റർ സജിമോൻ സഖറിയ, പാസ്റ്റർ ബിജു അലക്സാണ്ടർ, പാസ്റ്റർ എബ്രഹാം
ജോർജ്ജ്, പാസ്റ്റർ സുനിൽ പണിക്കർ, പാസ്റ്റർ ബിന്നി മാത്യു, പാസ്റ്റർ സജി ജോൺ എന്നിവർ വിവിധ
സെഷനുകളിൽ അധ്യക്ഷത വഹിച്ചു.
പിവൈ പി എ യുടെ നേതൃത്വത്തിൽ വിവിധ ഗ്രൂപ്പുകളിലായി വ്യത്യസ്ത ഇനങ്ങളിൽ ടാലന്റ് പരിശോധന നടത്തി വിജയികൾക്ക് ട്രോഫികൾ വിതരണം ചെയ്തു. ഏറ്റവും കൂടുതൽ പോയിന്റ് നേടിയ മെൽബൺ പി വൈ പി എ യൂണിറ്റ് (മെൽബൺ ക്രിസ്ത്യൻ അസ്സംബ്ലി ചർച്ച്) ഈ വർഷത്തെ ഓവറോൾ കിരീടം കരസ്ഥമാക്കി. പരിശുദ്ധാത്മ സാന്നിധ്യം കൊണ്ടും, ജനപങ്കാളിത്തം കൊണ്ടും ഈ വർഷത്തെ കോൺഫറൺസ് വളരെ അനുഗ്രഹമായിതീര്ന്നു.
ദൈവഹിതമായാൽ അടുത്ത വർഷത്തെ കോൺഫറൻസ് 2024 ഏപ്രിൽ 12, 13, 14 തീയതികളിൽ അഡലെയ്ഡിൽ വച്ച് നടത്താൻ തീരുമാനിച്ചു.
