പസഫിക് രാജ്യമായ പാപ്പുവ ന്യൂ ഗുനിയയിൽ ഉണ്ടായ വൻമണ്ണിടിച്ചിലിൽ രാജ്യത്തിന് സഹായവുമായി ഓസ്ട്രേലിയ. രാജ്യത്തിന് വേണ്ട എല്ലാ സഹായവും ഓസ്ട്രേലിയൻ പ്രധാനമന്ത്രി ആൻ്റണി ആൽബനിസി വാഗ്ദാനം ചെയ്തു. പാപ്പുവ ന്യൂ ഗുനിയക്ക് എന്ത് സഹായമാണ് വേണ്ടതിനെ കുറിച്ച് ചർച്ചകൾ നടക്കുന്നുണ്ടെന്ന് ഓസ്ട്രേലിയൻ പ്രതിരോധമന്ത്രി റിച്ചാർഡ് മാർലെസ് വ്യക്തമാക്കി. ആളുകളെ ലിഫ്റ്റ് ചെയ്യാനുള്ള സംവിധാനങ്ങൾ തങ്ങൾ നൽകുന്നുണ്ട്. കൂടാതെ തിരച്ചിലിനും രക്ഷാപ്രവർത്തനത്തിനുമുള്ള ആധുനിക ഉപകരണങ്ങൾ നൽകുന്നതിനുള്ള ചർച്ചകൾ നടക്കുകയാണെന്ന് അദ്ദേഹം പ്രതികരിച്ചു. അതേസമയം പാപ്പുവ ന്യൂ ഗുനിയയിൽ ഉണ്ടായ വൻമണ്ണിടിച്ചിലിൽ 670ൽ അധികം പേർ മരണപ്പെട്ടതായി യുഎൻ വൃത്തങ്ങൾ റിപ്പോർട്ട് ചെയ്യുന്നു.
