ഓസ്ട്രേലിയയിലെ ട്രാഫിക് നിയമങ്ങൾ പ്രകാരം, ഹൈ-ബീം ഹെഡ്ലൈറ്റുകൾ ദുരുപയോഗം ചെയ്യുന്നത് പിഴ ലഭിക്കാവുന്ന ഒരു കുറ്റമാണ്.അടുത്തിടെയായി ഹൈ-ബീം ലൈറ്റുകൾ തെറ്റായി ഉപയോഗിക്കുന്നവർക്ക് പിഴ ചുമത്തുന്നത് കർശനമാക്കിയിട്ടുണ്ട്.
ഓസ്ട്രേലിയൻ റോഡ് നിയമങ്ങൾ അനുസരിച്ച്, എതിർദിശയിൽ നിന്ന് വരുന്ന വാഹനത്തിൽ നിന്ന് 200 മീറ്ററിനുള്ളിൽ ഹൈ-ബീം ഉപയോഗിക്കാൻ പാടില്ല. അതുപോലെ, മുന്നിൽ പോകുന്ന വാഹനത്തിന്റെ 200 മീറ്റർ പിന്നിലാണെങ്കിലും ഹൈ-ബീം ഉപയോഗിക്കുന്നത് നിയമവിരുദ്ധമാണ്. ഈ നിയമം ലംഘിച്ചാൽ വിവിധ സംസ്ഥാനങ്ങളിൽ പിഴ തുകയിൽ വ്യത്യാസമുണ്ടാകാം. പലയിടങ്ങളിലും $140 മുതൽ $270 വരെ പിഴയും ഒപ്പം ഡിമെറിറ്റ് പോയിന്റുകളും ലഭിക്കാവുന്നതാണ്.
ഹൈ-ബീം ഉപയോഗിക്കുമ്പോൾ അത് മറ്റ് ഡ്രൈവർമാരുടെ കാഴ്ചയെ താൽക്കാലികമായി ബാധിക്കാനും അപകടങ്ങൾക്ക് കാരണമാകാനും സാധ്യതയുള്ളതിനാലാണ് ഈ നിയമം കർശനമായി നടപ്പാക്കുന്നത്.
