മുംബൈ : തന്റെ ജീവൻ രക്ഷിച്ചതിനു മുംബൈയ്ക്കു നന്ദി പറഞ്ഞ് ഓസ്ട്രേലിയയുടെ മുൻ മന്ത്രി. കഴിഞ്ഞ മാസം മുംബൈയിൽ മാരിടൈം എക്സിബിഷനിൽ പങ്കെടുക്കവെ, ശുചിമുറിയിൽ ബോധരഹിതനായി വീണ മുൻ മന്ത്രി ആൻഡ്രൂ റോബിനെ പൊലീസാണ് ആശുപത്രിയിലെത്തിച്ചത്.
മാരിടൈം എക്സിബിഷനിൽ പ്രധാനമന്ത്രി നരേന്ദ്ര മോദിയുടെ ഉദ്ഘാടന സെഷനിൽ പങ്കെടുക്കാനാണ് അദ്ദേഹമെത്തിയത്. ബോധരഹിതനായി കിടന്നത് വൊളന്റിയർമാരാണ് ആദ്യം കണ്ടത്. പിന്നീടാണ് മുൻ മന്ത്രിയാണെന്ന് തിരിച്ചറിഞ്ഞത്. തന്നെ ചികിത്സിച്ച ഡോ. പ്രവീൺ ബങ്കാറിന് എഴുതിയ കത്തിലാണ് സഹായിച്ച എല്ലാവർക്കും ആൻഡ്രൂ റോബ് നന്ദി പറഞ്ഞത്.
