ബ്രിസ്ബേൻ: ഓസ്ട്രേലിയയിലെ പ്രമുഖ പ്രവാസി മലയാളി സംഘടനയായ ബ്രിസ്ബേൻ മലയാളി അസോസിയേഷൻ (BMA)-യുടെ 2026–2028 പ്രവർത്തനകാലയളവിലേക്കുള്ള പുതിയ എക്സിക്യൂട്ടീവ് കമ്മിറ്റിയെ പ്രഖ്യാപിച്ചു. സംഘടനയുടെ സാംസ്കാരിക, സാമൂഹിക, ജീവകാരുണ്യ പ്രവർത്തനങ്ങൾക്ക് പുതുവേഗം പകരുകയെന്ന ലക്ഷ്യത്തോടെയാണ് പുതിയ കമ്മിറ്റി ചുമതലയേറ്റത്.
Biju Manchappilly പ്രസിഡന്റായും, എൽദോ പി. തോമസ് സെക്രട്ടറിയായും, ശ്രീകാന്ത് ശ്രീവൽസം ട്രഷററായും തിരഞ്ഞെടുക്കപ്പെട്ടു. രാജു പനന്താനം വൈസ് പ്രസിഡന്റായും, ബിബിൻ തുരുത്തിക്കര ജോയിന്റ് സെക്രട്ടറിയായും, ജിജോ ആന്റണി അക്കനത്ത് പി.ആർ.ഒയായും ചുമതലയേൽക്കും.
എക്സിക്യൂട്ടീവ് കമ്മിറ്റി അംഗങ്ങളായി ബിനോയ് വർഗീസ്, ജോസ് കാച്ചപ്പിള്ളി പൗലോ, സെബി എഫ്. ആലപ്പാട്ട്, ഷിബു മാത്യു, ഡോൺ വർഗീസ്, മെൽവിൻ സ്കറിയ എന്നിവർ തിരഞ്ഞെടുക്കപ്പെട്ടു.
ബ്രിസ്ബേനിലെ മലയാളി സമൂഹത്തിന്റെ ഐക്യവും സാംസ്കാരിക പൈതൃകവും കൂടുതൽ ശക്തിപ്പെടുത്തുന്നതിനൊപ്പം കുടുംബസൗഹൃദ പരിപാടികൾ, യുവജന-കുട്ടികളുടെ പ്രവർത്തനങ്ങൾ, ജീവകാരുണ്യ സംരംഭങ്ങൾ എന്നിവയ്ക്ക് കൂടുതൽ പ്രാധാന്യം നൽകുമെന്ന് പുതിയ ഭാരവാഹികൾ അറിയിച്ചു. പുതിയ കമ്മിറ്റിക്ക് വിവിധ സംഘടനാ പ്രതിനിധികളും സമൂഹാംഗങ്ങളും ആശംസകൾ നേർന്നു.
