ക്വീൻസ്ലൻഡ്: സി.പി. സാജുവിനെ ഐഒസി ഓസ്ട്രേലിയയുടെ നാഷണൽ കോഓർഡിനേറ്ററായി തെരഞ്ഞെടുത്തു. കെഎസ്യു യൂണിവേഴ്സിറ്റി യൂണിയൻ എക്സിക്യൂട്ടീവ് അംഗം, കോൺഗ്രസ് – യൂത്ത് കോൺഗ്രസ് മണ്ഡലം പ്രസിഡന്റ്, കോൺഗ്രസ് – യൂത്ത് കോൺഗ്രസ് പിറവം നിയോജക മണ്ഡലം ബ്ലോക്ക് സെക്രട്ടറി തുടങ്ങിയ സ്ഥാനങ്ങളിൽ അദ്ദേഹം പ്രവർത്തിച്ചിട്ടുണ്ട്.
പിറവത്തു നിന്ന് സ്വതന്ത്ര സ്ഥാനാർഥിയായി കേരള നിയമസഭ തെരഞ്ഞെടുപ്പിൽ അദ്ദേഹം മത്സരിച്ചിട്ടുണ്ട്. അതിന് ശേഷം ഓസ്ട്രേലിയയിൽ എത്തി പ്രവാസ ജീവിതം ആരംഭിച്ചപ്പോഴും കോൺഗ്രസ് രാഷ്ട്രീയത്തെ മുറുകെ പിടിച്ചു.
ഒഐസിസിയുടെ സ്ഥാപക വൈസ് പ്രസിഡന്റും നാഷണൽ ചെയർമാനുമായി പ്രവർത്തിച്ചു. നിലവിൽ മൂന്ന് വർഷമായി ക്വീൻസ്ലാൻഡിലെ ഗോൾഡ് കോസ്റ്റ് മലയാളി അസോസിയേഷൻ പ്രസിഡന്റായി പ്രവർത്തിച്ചുവരുന്നു.
ഓസ്ട്രേലിയയിലെ ഐഒസി കമ്മിറ്റികളെ ശക്തിപ്പെടുത്താനും ക്രോഡീകരിക്കാനും അദ്ദേഹത്തിന്റെ പ്രവർത്തങ്ങൾക്ക് സാധിക്കട്ടെ എന്നാശംസിക്കുന്നുതായി ഐഒസി ക്വീൻസലൻഡ് കേരള ചാപ്റ്റർ പ്രസിഡന്റ് നീയോട്ട്സ് വക്കച്ചൻ അറിയിച്ചു.
