കായംകുളം: ആലപ്പുഴ കായംകുളത്ത് വീട്ടില്നിന്ന് പതിന്നാലരപ്പവന് മോഷ്ടിച്ച കേസിലെ പ്രതിയെ ഒരുവര്ഷത്തിനുശേഷം പൊലീസ് പിടികൂടി. പരാതിക്കാരന്റെ മരുമകളാണ് അറസ്റ്റിലായത്. കഴിഞ്ഞവര്ഷം മേയ് 10-നു പ്രയാര് വടക്കുമുറിയില് പനക്കുളത്ത്പുത്തന് വീട്ടില് സാബു ഗോപാലന്റെ വീട്ടില്നിന്നാണ് സ്വര്ണം മോഷണം പോയത്. ഒരു വർഷത്തിന് ശേഷമാണ് സാബു ഗോപാലന്റെ മകന്റെ ഭാര്യയായ പുതുപ്പള്ളി തെക്കു മുറിയില് ഇടയനമ്പലത്ത് നെടിയത്ത് വീട്ടില് ഗോപിക (27) യെ പൊലീസ് പിടികൂടിയത്. മറ്റൊരു 11 പവൻ കൂടി അടിച്ചെടുക്കാനുള്ള ശ്രമത്തിനിടെയാണ് ഗോപികയെ അറസ്റ്റ് ചെയ്യുന്നത്.
