മാൾട്ട: 27 വയസും അതിൽ താഴെയും പ്രായമുള്ള യുവാക്കൾക്കായി പുതിയ ഓഫറുമായി മാൾട്ടയിലെ ടെലികോം കമ്പനിയായ GO. കമ്പനിയുടെ Freedom Plus Youth പ്ലാനിൽ പുതിയതായി ചേരുന്ന ഉപഭോക്താക്കൾക്ക് ആദ്യ ആറ് മാസം പൂർണമായും സൗജന്യമായി സേവനം ലഭിക്കും.പ്രമോഷൻ കാലയളവിന് ശേഷം പ്ലാനിന് പ്രതിമാസം €20.99 ആയിരിക്കും നിരക്ക്. പ്ലാനിന്റെ ഭാഗമായി പ്രാദേശികമായി അൺലിമിറ്റഡ് 5G ഡാറ്റ, Zone 1 രാജ്യങ്ങളിലേക്ക് 80GB റോമിംഗ് ഡാറ്റ, കൂടാതെ അൺലിമിറ്റഡ് ലോക്കൽ കോളുകളും SMS-ഉം ലഭിക്കും. EUയ്ക്ക് പുറത്തുള്ള യാത്രകൾക്കായി 2GB ഡാറ്റയും ഉൾപ്പെടുത്തിയിട്ടുണ്ട്. മൊബൈൽ സേവനങ്ങൾക്ക് പുറമെ വിനോദം, ഷോപ്പിംഗ്, ഭക്ഷണം തുടങ്ങിയ മേഖലകളിൽ നിരവധി ഡിസ്കൗണ്ടുകളും റിവാർഡുകളും പ്ലാനിനൊപ്പം ലഭിക്കുമെന്ന് GO അറിയിച്ചു.
വിദ്യാർഥികൾക്കായി Apple ബണ്ടിലും
പുതിയ അധ്യയന വർഷം മുന്നിൽക്കണ്ട് വിദ്യാർഥികൾക്കായി GO, Freedom Plus Youth പ്ലാനിനൊപ്പം Apple ഉപകരണങ്ങളുടെ ബണ്ടിലും വാഗ്ദാനം ചെയ്യുന്നുണ്ട്.
iPad A16 128GB, Apple Magic Keyboard Folio, Apple USB-C Pencil എന്നിവ ഉൾപ്പെടുന്നതാണ് ബണ്ടിൽ. ഈ പാക്കേജിന് പ്രതിമാസം €25.99 എന്ന നിരക്കാണ്.
Freedom Plus Youth-ന്റെ ആറ് മാസം സൗജന്യ ഓഫർ പരിമിത കാലത്തേക്ക് മാത്രമാണ് ലഭ്യമാകുന്നത്. കൂടുതൽ വിവരങ്ങൾ GOയുടെ ഔദ്യോഗിക വെബ്സൈറ്റിൽ ലഭ്യമാണ്.
