റിലീസ് ചെയ്യാൻ ഏതാനും മണിക്കൂറുകൾ മാത്രം ബാക്കിയാകുമ്പോൾ ബ്ലെസ്സിയുടെ ആടുജീവിതത്തിനായ് പ്രേക്ഷകരുടെ ആവേശവും വർധിച്ചിരിക്കുകയാണ്. ഇന്നലെ രാത്രി ഒരു മണിക്കൂറിന് ഉള്ളിൽ 8.68 K ടിക്കറ്റുകളാണ് വിറ്റുപോയിരിക്കുന്നത്. അഡ്വാൻസ് ബുക്കിങ്ങിൽ പുതുചരിത്രവും കുറിച്ചിരിക്കയാണ് ആടുജീവിതം.
എന്നാൽ ഇതിനകം കേരളത്തിൽ നിന്ന് മാത്രമായി അഡ്വാൻസ് ബുക്കിങ്ങിലൂടെ മൂന്ന് കോടിയിലധികം രൂപയാണ് സിനിമ നേടിയിരിക്കുന്നത് എന്നാണ് അനലിസ്റ്റുകൾ നൽകുന്ന സൂചന. സിനിമയുടെ റിലീസ് അടുത്ത് നിൽക്കുന്ന ഈ മണിക്കൂറിലെ അഡ്വാൻസ് ബുക്കിങ്ങും കൂടി നോക്കുമ്പോൾ പൃഥ്വിരാജിന്റെ കരിയർ ബെസ്റ്റ് ഓപ്പണിങ് തന്നെയായിരിക്കും ആടുജീവിതത്തിന് ലഭിക്കുന്നത് എന്ന് ഉറപ്പാണ്. മലയാളത്തിനു പുറമേ ഹിന്ദി, തമിഴ്, തെലുങ്ക്, കന്നഡ എന്നീ ഭാഷകളിലും ചിത്രം റിലീസ് ചെയ്യുന്നുണ്ട്.
Wanderlust ഫിലിംസാണ് ചിത്രം ഓസ്ട്രേലിയയിൽ പ്രദർശനത്തിനെത്തിക്കുന്നത്.
