Qantas ജീവനക്കാരെ പിരിച്ചുവിട്ടതിന് 121 ദശലക്ഷം ഡോളർ പിഴ നേരിടാൻ സാധ്യതയുണ്ട്.1800 ഓളം ഗ്രൗണ്ട് ജീവനക്കാരുടെ ജോലി നിയമവിരുദ്ധമായി പുറംകരാർ നൽകിയതിന് Qantas ന് 121 ദശലക്ഷം ഡോളർ വരെ പിഴ ചുമത്താൻ സാധ്യതയുണ്ടെന്ന് യൂണിയൻ അറിയിച്ചു. എല്ലാ കമ്പനികൾക്കും ശക്തമായ സന്ദേശം നൽകുന്നതിനായി Qantas ന് പരമാവധി പിഴ ചുമത്തണമെന്ന് യൂണിയൻ ആവശ്യപ്പെട്ടു.
സിഡ്നിയിലെ ഫെഡറൽ കോടതിയിൽ ആരംഭിച്ച മൂന്ന് ദിവസത്തെ ഹിയറിംഗിന് ശേഷം ജസ്റ്റിസ് മൈക്കിൾ ലീയാണ് Qantas നൽകേണ്ട പിഴ എത്രയാണെന്ന് തീരുമാനിക്കുക.
കോടതിക്ക് പുറത്ത്, ട്രാൻസ്പോർട്ട് വർക്കേഴ്സ് യൂണിയൻ ദേശീയ സെക്രട്ടറി മൈക്കിൾ കെയിൻ 2020 ൽ COVID-19 മഹാമാരിയുടെ സമയത്ത് Qantas ജീവനക്കാരെ പിരിച്ചുവിട്ടതിനെത്തുടർന്ന് ആരംഭിച്ച “നീണ്ടതും ക്രൂരവും വേദനാജനകവുമായ നിയമപോരാട്ടത്തിൻ്റെ അവസാനത്തിൻ്റെ തുടക്കമാണ്” ഈ ഹിയറിംഗ് എന്ന് പറഞ്ഞു.
