ചൈനയിൽ നിന്ന് പടിഞ്ഞാറൻ ഓസ്ട്രേലിയയിലേക്ക് പോകുകയായിരുന്ന റിയോ ടിൻ്റോ കപ്പലിൽ കാണാതായ ഒരാൾക്ക് വേണ്ടിയുള്ള തിരച്ചിൽ തുടരുന്നു. റിയോ ടിൻ്റോയുടെ ബൾക്ക് കാരിയറായ ആർടിഎം ഷെങ് ഹെയിലെ ഡെക്ക് ഫിറ്ററായ ജെൽ അഗ്വാവിവയെ ഡിസംബർ 26 ന് കാണാതായതായി റിയോ ടിൻ്റോ സ്ഥിരീകരിച്ചു. 44 – കാരനായ ജെൽ അഗ്വാവിവ ഫിലിപ്പൈൻ സ്വദേശിയാണ്. അദ്ദേഹത്തെ കാണാതാകുമ്പോൾ കപ്പൽ ഫിലിപ്പീൻസിന് സമീപമുള്ള അന്താരാഷ്ട്ര സമുദ്രത്തിലായിരുന്നുവെന്നാണ് റിപ്പോർട്ട്.
റിയോ ടിൻ്റോ RTM Zheng He ഷിപ്പ് ആൻഡ് ക്രൂ മാനേജർ, ആംഗ്ലോ ഈസ്റ്റേൺ, ബന്ധപ്പെട്ട അധികാരികൾ എന്നിവരുമായി സഹകരിച്ച് പ്രവർത്തിച്ചുകൊണ്ട് കഴിഞ്ഞ ഏഴ് ദിവസമായി അഗ്വാവിവയെ കണ്ടെത്താനുള്ള ശ്രമങ്ങൾ നടത്തുന്നതായി കമ്പനി അറിയിച്ചു.
ഫിലിപ്പീൻസ് കോസ്റ്റ് ഗാർഡാണ് തിരച്ചിലിന് നേതൃത്വം നൽകുന്നതെന്ന് കമ്പനി അറിയിച്ചു.
“ഈ ദുഷ്കരമായ സമയ”ത്തിലൂടെ സാധ്യമായ എല്ലാ പിന്തുണയും വാഗ്ദാനം ചെയ്യുന്നതിലാണ് കമ്പനി ശ്രദ്ധ കേന്ദ്രീകരിച്ചിരിക്കുന്നതെന്ന് റിയോ ടിൻ്റോ ചീഫ് എക്സിക്യൂട്ടീവ് ജേക്കബ് സ്റ്റൗഷോം പറഞ്ഞു.
