മാൾട്ട: ഹേസൽനട്ട് അലർജിയുള്ളവർ ഒരു പ്രത്യേക ഭക്ഷ്യ ഉൽപ്പന്നം കഴിക്കരുതെന്ന് മാൾട്ടയിലെ ഫുഡ് സേഫ്റ്റി ആൻഡ് സെക്യൂരിറ്റി അതോറിറ്റി (FSSA) മുന്നറിയിപ്പ് നൽകി.
Amo Essere ബ്രാൻഡിന്റെ Preparato per Torte Senza Glutine എന്ന ഉൽപ്പന്നത്തിൽ ലേബലിൽ രേഖപ്പെടുത്തിയിട്ടില്ലാത്ത ഹേസൽനട്ട് പ്രോട്ടീനുകൾ കണ്ടെത്തിയതിനെ തുടർന്നാണ് അധികൃതർ മുന്നറിയിപ്പ് പുറപ്പെടുവിച്ചത്. ഹേസൽനട്ടിനോട് അലർജിയുള്ളവർക്ക് ഇത് ആരോഗ്യപ്രശ്നങ്ങൾക്ക് കാരണമാകാൻ സാധ്യതയുള്ളതിനാൽ ഉൽപ്പന്നം കഴിക്കരുതെന്നാണ് നിർദേശം.അലർജിയുള്ള ഉപഭോക്താക്കൾ ഇതിനകം ഉൽപ്പന്നം വാങ്ങിയിട്ടുണ്ടെങ്കിൽ അത് ഉപയോഗിക്കാതെ ഉപേക്ഷിക്കുകയോ വാങ്ങിയ കടയിൽ തിരികെ നൽകുകയോ ചെയ്യണമെന്ന് FSSA അറിയിച്ചു.
ഉൽപ്പന്നത്തിന്റെ വിശദാംശങ്ങൾ
ബ്രാൻഡ്: Amo Essere
ഉൽപ്പന്നം: Preparato per Torte Senza Glutine
ലോട്ട് നമ്പർ: L26042
അളവ്: 400 ഗ്രാം
കുറഞ്ഞത് ഉപയോഗിക്കാവുന്ന തീയതി: 28 ഫെബ്രുവരി 2028
ലേബലിൽ ഹേസൽനട്ട് സാന്നിധ്യം വ്യക്തമാക്കിയിട്ടില്ലാത്തതാണ് പ്രധാന ആശങ്ക. അതിനാൽ ഹേസൽനട്ട് അലർജിയുള്ളവർ ഉൽപ്പന്നം ഒഴിവാക്കണമെന്നും അധികൃതർ വ്യക്തമാക്കി.
