പത്തനംതിട്ട: അടൂര് പട്ടാഴിമുക്കില് രണ്ടുപേരുടെ മരണത്തിനിടയാക്കിയ അപകടത്തില് കൂടുതല് വിവരങ്ങള് പുറത്ത്. അപകടമുണ്ടാകുന്നത് കണ്ട ദൃക്സാക്ഷിയാണ് നിര്ണായക വിവരങ്ങള് മാധ്യമങ്ങളുമായി പങ്കുവെച്ചത്. അപകടത്തിന് മുൻപ് കാർ ശ്രദ്ധയിൽപ്പെട്ടിരുന്നു എന്ന് ഗ്രാമപഞ്ചായത്ത് അംഗമായ ശങ്കര് പറഞ്ഞു. ആലയിൽപ്പടിയിൽ നില്ക്കുമ്പോള് കാർ കടന്നു പോകുന്നത് കണ്ടിരുന്നു. ഓട്ടത്തിനിടയിൽ സ്ത്രീ ഇരുന്ന ഭാഗത്തെ ഡോർ മൂന്ന് തവണ തുറന്നു. ശാരീരികമായി ഉപദ്രവിക്കാൻ ശ്രമിക്കുകയാണെന്ന തോന്നലുണ്ടായിരുന്നു. കാലുകള് ഡോറിന് പുറത്തേക്ക് ഇട്ട നിലയില് കണ്ടിരുന്നുവെന്നും അകത്ത് മൽപ്പിടുത്തം നടന്നതായി സംശയിക്കുന്നുവെന്നും ശങ്കര് പറഞ്ഞു.