റിപ്പോർട്ടർ : സത്താർ കായംകുളം, റിയാദ്
റിയാദ് : സൗദി അറേബ്യയിലെപ്രമുഖ സാമൂഹ്യ സാംസ്കാരിക സംഘടനയായ ദിശ 9 ആമത് അന്താരാഷ്ട്ര ദിനാചരണങ്ങളോട് അനുബന്ധിച്ച് ദിശ യോഗ മീറ്റ് 2023 സംഘടിപ്പിച്ചു. സൗദി യോഗ കമ്മിറ്റിയുടെയും സൗദി
സ്പോർട്സ് മിനിസ്ടറിയുടെയും സഹകരണത്തോടെ നടന്ന ആഘോഷങ്ങൾക്ക് സൗദിയിലെ ഇന്ത്യൻ എംബസിയും ഇറാം ഗ്രൂപ്പും പിന്തുണ നൽകി. റിയാദ് സ്കൂൾ റിയൽ മാഡ്രിഡ് അക്കാദമി സ്റ്റേഡിയത്തിൽ നടന്ന ആഘോഷം സൗദിയിലെ ഇന്ത്യൻ അംബാസഡർ ഡോ.സുഹേൽ അജാസ് ഖാൻ ഉദ്ഘാടനം ചെയ്തു. ദിശ
സൗദി നാഷണൽ പ്രസിഡന്റ് കനകലാൽ കെഎം അധ്യക്ഷത വഹിച്ച ചടങ്ങിൽ സ്പോർട്സ് മിനിസ്ട്രി സൗദി യോഗ കമ്മിറ്റി പ്രസിഡന്റ് നൗഫ് അൽ മാർവായി മുഖ്യ പ്രഭാഷണം നടത്തി. നേപ്പാൾ അംബാസഡർ നവരാജ് സുബേദി, ശ്രീലങ്ക എംബസി ഫസ്റ്റ് സെക്രട്ടറി പിജിആർ ചന്ദ്രവാൻഷാ, ബംഗ്ലാദേശ് എംബസ്സി ഫസ്റ്റ്
സെക്രട്ടറി മുഹമ്മദ് ഫൊഖ്റുൽ ഇസ്ലാം, ഇറാം ഗ്രൂപ്പ് പബ്ലിക് റിലേഷൻസ് ഡയറക്ടർ മുഹമ്മദ് അലമാരി, അറബ് യോഗ ഫൌണ്ടേഷൻ പ്രതിനിധി ലമീസ് അൽ സിദ്ദിഖ് എന്നിവർ ചടങ്ങിൽ
മുഖ്യാതിഥികളായി പങ്കെടുത്തു. തുടർന്ന് 2500 നുമുകളിൽ ആളുകൾ പങ്കെടുത്ത് അന്താരാഷ്ട്ര പ്രോട്ടോകോൾ പാലിച്ച് മാസ് യോഗ ഡെമോസ്ട്രേഷൻ നടന്നു. സാംസ്കാരിക തനിമ നിറഞ്ഞ ചെണ്ടമേളവും യോഗ പ്രമേയമാക്കി കുട്ടികൾ അവതരിപ്പിച്ച നൃത്താവിഷ്കാരവും ആഘോഷങ്ങൾക്ക് കൂടുതൽ കരുത്തേകി. ദിശ നാഷണൽ കോഓർഡിനേറ്റർ വി.രഞ്ജിത്ത് സ്വാഗതവും, ദിശ റിയാദ് റീജിയണൽ ജനറൽ സെക്രട്ടറി വി.ഉണ്ണികൃഷ്ണൻ കൃതഞ്ജതയും പറഞ്ഞു.
