യുകെയിലെ സാധാരണ പഴങ്ങൾ, പച്ചക്കറികൾ, മസാലകൾ എന്നിവയിൽ ‘ഫോറെവർ കെമിക്കൽസ്’ എന്നറിയപ്പെടുന്ന ദീർഘകാല വിഷവസ്തുക്കൾ കണ്ടെത്തിയതായി ആരോഗ്യ വിഭാഗം മുന്നറിയിപ്പ് നൽകി . ഇത് ക്യാൻസറിന് കാരണമാകുമെന്നാണ് പഠനത്തിലൂടെ തെളിയിക്കപ്പെട്ടിരിക്കുന്നത്
2022-ലെ ഏറ്റവും പുതിയ സർക്കാർ പരിശോധനയിൽ നിന്നുള്ള ഫലങ്ങൾ അനുസരിച്ച്, ചില കീടനാശിനികളിൽ ഉപയോഗിക്കുന്ന PFA രാസവസ്തുക്കൾ വിവിധ ഭക്ഷണങ്ങളിൽ തിരിച്ചറിഞ്ഞു.ഇത്തരം രാസവസ്തുക്കളെ ‘ഫോറെവർ കെമിക്കൽസ് എന്ന് വിളിക്കപ്പെടാനുള്ള കാരണം അവ പരിസ്ഥിതിയിൽ തകരാൻ നൂറ്റാണ്ടുകൾ എടുക്കും എന്നതുകൊണ്ടാണ് . മനുഷ്യർ ഉൾപ്പെടെയുള്ള ജീവജാലങ്ങളുടെ ശരീരത്തിൽ PFA-കൾ അടിഞ്ഞുകൂടും. വൃക്ക, വൃഷണ കാൻസർ, കൊളസ്ട്രോളിൻ്റെ വർദ്ധനവ്, ഗർഭിണികളിലെ ഉയർന്ന രക്തസമ്മർദ്ദം എന്നിവയുൾപ്പെടെയുള്ള ഗുരുതരമായ ആരോഗ്യപ്രശ്നങ്ങളുമായി അവ ബന്ധപ്പെട്ടിരിക്കുന്നു.
