സൗദി അറേബ്യയിലെ റിയാദിലെ ബത്തയിലും പരിസര പ്രദേശങ്ങളിലും മാസങ്ങളായി താമസിക്കാൻ ഇടമില്ലാതെ കഴിഞ്ഞിരുന്ന തൃശ്ശൂർ സ്വദേശി മരിച്ചു. പാലക്കൽ തോമസ് ടിൻസൺ (40) ആണ് മരിച്ചത്.
ദിവസങ്ങളായി രാത്രിയിൽ ബത്തയിലെ ഷിഫാ അൽ ജസീറ ക്ലിനിക്കിന് താഴെയായിരുന്നു ഇദ്ദേഹം അന്തിയുറങ്ങിയിരുന്നത്. പകൽ സമയങ്ങളിൽ മലയാളികൾ ഉൾപ്പെടെയുള്ളവരുടെ സഹായത്തോടെയാണ് ഭക്ഷണം കഴിച്ചിരുന്നത്.
തൃശ്ശൂർ സ്വദേശിയാണെന്ന് അറിഞ്ഞതോടെ ജില്ലയിലെ നിരവധി സാമൂഹിക പ്രവർത്തകർ വിഷയത്തിൽ ഇടപെട്ടിരുന്നു. താമസിക്കാൻ സൗകര്യം ഒരുക്കിയിരുന്നെങ്കിലും അത് സ്വീകരിക്കാൻ ടിൻസൺ തയ്യാറായിരുന്നില്ല.
രണ്ടുവർഷമായി സ്പോൺസറുമായി ബന്ധമില്ലാതായതിനാൽ ഇഖാമ പുതുക്കാനും കഴിഞ്ഞിരുന്നില്ല. സൗദി റെഡ് ക്രസന്റിന്റെ സഹായത്തോടെ മൃതദേഹം മോർച്ചറിയിലേക്ക് മാറ്റി.
മൃതശരീരം നാട്ടിലെത്തിക്കുന്നതിനുള്ള നടപടികൾക്കായി കെഎംസിസി റിയാദ് സെൻട്രൽ കമ്മിറ്റി വെൽഫെയർ വിങ് ചെയർമാൻ റഫീഖ് പുല്ലൂരിന്റെ നേതൃത്വത്തിൽ കെഎംസിസി വെൽഫെയർ വിങ് വളണ്ടിയർമാർ രംഗത്തുണ്ട്.
