ന്യൂഡല്‍ഹി : ‘ഓപ്പറേഷൻ അജയ്’യുടെ ഭാഗമായി ഇസ്രയേലില്‍ നിന്നും ഇന്ത്യക്കാരുമായുള്ള രണ്ടാം വിമാനം ശനിയാഴ്ച രാവിലെ 5.30 നു ന്യൂഡല്‍ഹി ഇന്ദിരാഗാന്ധി അന്താരാഷ്ട്ര വിമാനത്താവളത്തില്‍ എത്തും.
16 മലയാളികള്‍ വിമാനത്തില്‍ എത്തുന്നതായാണു വിവരം. കേരളത്തിലേക്ക് എത്താനായി താല്‍പര്യം അറിയിച്ചു കേരള ഹൗസ് വെബ്സൈറ്റില്‍ 20 പേര്‍ റജിസ്റ്റര്‍ ചെയ്തിട്ടുണ്ട്. ഇസ്രയേലില്‍ നിന്ന് 212 ഇന്ത്യക്കാരുമായി എയര്‍ ഇന്ത്യയുടെ വിമാനം എത്തിയിരുന്നു. ഇതില്‍ ഏഴുപേര്‍ മലയാളികളാണ്.
പിഎച്ച്‌ഡി വിദ്യാര്‍ഥിയായ കണ്ണൂര്‍ ഏച്ചൂര്‍ സ്വദേശി എം.സി.അച്ചുത്, ബിരുദാനന്തര ബിരുദ വിദ്യാര്‍ഥിനിയായ കൊല്ലം കിഴക്കും ഭാഗം സ്വദേശിനി ഗോപിക ഷിബു, പിഎച്ച്‌ഡി വിദ്യാര്‍ഥി മലപ്പുറം പെരിന്തല്‍ മണ്ണമേലാറ്റൂര്‍ സ്വദേശി ശിശിര മാമ്ബറം കുന്നത്ത്, പോസ്റ്റ് ഡോക്ടറേറ്റ് വിദ്യാര്‍ഥിനിയായ തിരുവനന്തപുരം സ്വദേശിനി ദിവ്യ റാം, പോസ്റ്റ് ഡോക്ടറേറ്റ് വിദ്യാര്‍ഥിനി പാലക്കാട് സ്വദേശിനി നിള നന്ദ, മലപ്പുറം ചങ്ങാരംകുളം സ്വദേശി രാധികേഷ് രവീന്ദ്രൻ നായര്‍, ഭാര്യ ടി.പി. രസിത (ഇരുവരും പോസ്റ്റ് ഡോക്ടറല്‍ വിദ്യാര്‍ഥികള്‍) എന്നിവരാണു സംഘത്തിലെ മലയാളികള്‍.
