സിർസ: കല്യാണ ആഘോഷത്തിനിടയിലേക്ക് ഇടിച്ച് കയറി കാർ. വാഹനം ഇടിച്ച് 10 അടിയോളം ഉയരത്തിൽ തെറിച്ച് പോയ ഫോട്ടോഗ്രാഫർക്ക് ദാരുണാന്ത്യം. ഹരിയാനയിലെ സിർസയിലാണ് സംഭവം. സിർസ ഹിസാർ റോഡിലെ റിസോർട്ടിന് മുന്നിൽ വച്ചാണ് അപകടമുണ്ടായത്. വിവാഹ ശേഷം വധു വരന്റെ വീട്ടിലേക്ക് പോവുന്ന ദൃശ്യങ്ങൾ ചിത്രീകരിക്കുന്നതിനിടയിലാണ് കാർ യുവാവിനെ ഇടിച്ച് തെറിപ്പിച്ചത്. അതിവേഗമെത്തിയ കാർ ഫോട്ടോഗ്രാഫറെ ഇടിച്ച് തെറിപ്പിക്കുകയായിരുന്നു. 10 അടിയോളം ഉയരത്തിൽ പൊങ്ങിപ്പോയ ഫോട്ടോഗ്രാഫർ ദാരുണമായി കൊല്ലപ്പെട്ടു. അപകടമുണ്ടാക്കിയ കാർ സംഭവ സ്ഥലത്ത് നിർത്താതെ പാഞ്ഞുപോവുകയായിരുന്നു. ഈ സംഭവത്തിന്റെ നടുക്കുന്ന വീഡിയോ ഇപ്പോൾ സാമൂഹ്യ മാധ്യമങ്ങളിൽ പ്രചരിച്ചിട്ടുണ്ട്.
