കൊച്ചി: സിഎംആര്എല്-എക്സാലോജിക് മാസപ്പടി ഇടപാടില് മുഖ്യമന്ത്രി പിണറായി വിജയനവും മകള് വീണ വിജയനും ഹൈക്കോടതി നോട്ടീസ് അയച്ചു. കോണ്ഗ്രസ് എംഎല്എ മാത്യു കുഴല്നാടന്റെ ഹര്ജിയിലാണ് മുഖ്യമന്ത്രിയും മകളും അടക്കമുള്ള എതിര്കക്ഷികള്ക്ക് ഹൈക്കോടതി നോട്ടീസ് നല്കിയത്. കേസിലെ സ്വഭാവിക നടപടി മാത്രമാണിതെന്ന് മാത്യു കുഴല് നാടൻ പ്രതികരിച്ചു.
എക്സാലോജിക് , സിഎംആര്എല് മാസപ്പടി കേസിൽ ഹൈക്കോടതി ഇടപെടൽ സ്വാഗതാർഹമെന്ന് വി.ഡി.സതീശൻ പറഞ്ഞു. മാത്യു കുഴൽനാടന്റെ നിയമ പോരാട്ടം തുടരും. പാർട്ടി പൂർണ പിന്തുണ നൽകുന്നുവെന്നും പ്രതിപക്ഷനേതാവ് പറഞ്ഞു.
