ബഹ്റൈനിലെ ആലിയില് വാഹനാപകടത്തില് നാലു മലയാളികള് ഉള്പ്പെടെ അഞ്ചുപേര് മരിച്ചു. കോഴിക്കോട് സ്വദേശി വി പി മഹേഷ്, പെരിന്തല്മണ്ണ സ്വദേശി ജഗത് വാസുദേവൻ, തൃശൂര് ചാലക്കുടി-മുരിങ്ങൂർ സ്വദേശി പാറേക്കാടൻ ജോർജിന്റെ മകൻ ഗൈദര് ജോര്ജ് , തലശേരി സ്വദേശി അഖില് രഘു, തെലങ്കാന സ്വദേശി സുമൻ രാജണ്ണ എന്നിവരാണ് മരിച്ചത്
വെള്ളിയാഴ്ച രാത്രി 10 ഓടെ ഷൈഖ് ഖലീഫ ബിൻ സല്മാൻ ഹൈവേയില് കാറും ശുചീകരണ ട്രക്കും കൂട്ടിയിടിച്ചാണ് അപകടമെന്ന് പ്രാദേശിക മാധ്യമം റിപ്പോര്ട്ട് ചെയ്തു.
മരിച്ച അഞ്ചു പേരും മുഹറഖിലെ സ്വകാര്യ ആശുപത്രി ജീവനക്കാരാണ്. സല്മാബാദില് നിന്ന് മുഹറഖിലേക്ക് വരുകയായിരുന്ന കാറാണ് അപകടത്തില് പെട്ടത്. മൃതദേഹങ്ങള് സല്മാനിയ ആശുപത്രി മോര്ച്ചറിയില്.
