തിരുവനന്തപുരം:എല്ദോസ് കുന്നപ്പളളി എംഎല്എക്ക് എതിരായ കേസില് കുറ്റപത്രം സമര്പ്പിച്ചു.നെയ്യാറ്റിന്കര കോടതിയിലാണ് കുറ്റപത്രം സമര്പ്പിച്ചത്.ബലാത്സംഗം, വധശ്രമം അടക്കം കുറ്റങ്ങള് ചുമത്തിയിട്ടുണ്ട്.എല്ദോസിനെ കൂടാതെ രണ്ട് സുഹൃത്തുക്കളും പ്രതികളാണ്.യുവതിയെ എം.എല്.എ ഒന്നിലേറെ തവണ ബലാത്സംഗം ചെയ്തെന്ന് കുറ്റപത്രത്തില് പറയുന്നു.അടിമലത്തുറയിലെ റിസോര്ട്ടില് വെച്ചാണ് ആദ്യം ബലാത്സംഗം ചെയ്തത്.2022 ജൂലൈ 04നാണ് സംഭവം.തൃക്കാക്കരയിലെ വീട്ടിലും കുന്നത്തുനാട്ടിലെ വീട്ടിലും വെച്ച് ബലാത്സംഗം ചെയ്തു.കോവളത്ത് വെച്ച് യുവതിയെ തളളിയിട്ട് കൊല്ലാന് ശ്രമിച്ചു. എംഎല്എ ബലാത്സംഗം ചെയ്തത് അഞ്ച് വര്ഷമായി പരിചയമുളള യുവതിയെയാണെന്നും കുറ്റപത്രത്തില് പറയുന്നു.തിരുവന്തപുരം ജില്ലാ ക്രൈംബ്രാഞ്ചാണ് കുറ്റപത്രം സമര്പ്പിച്ചത്
