കായംകുളം : ദേശീയ പാതയിൽ കായംകുളത്ത് തൂണിൽ തീർത്ത ഉയരപ്പാത വേണമെന്ന വിഷയത്തിൽ കളക്ടർ വിളിച്ചു ചേർത്ത ജില്ലാതല സർവ്വകക്ഷിയോഗത്തിൽ എല്ലാ രാഷ്ട്രീയ കക്ഷികളും സമര സമിതിയും ജനപ്രതിനിധികളും ഷഹിദാർ പള്ളി മുതൽ ടെക്സ് മോ ജംഗ്ഷൻ വരെ എലിവേറ്റഡ് ഹൈവേ നിർമ്മിക്കണമെന്ന് ഐകകണ്ഠേന തീരുമാനിച്ചിരുന്നു. ഇത് തീരുമാനമായി മിനിറ്റ്സ് ചെയ്യണമെന്ന സി.പി.ഐ. പ്രതിനിധിയുടെ നിർദ്ദേശം കളക്ടർ അംഗീകരിക്കുകയും ഇതോടൊപ്പം ദേശീയപാതാ അധികൃതരുടെ വിശദീകരണം ഉൾപ്പെടുത്തി റിപ്പോർട്ട് വിദഗ്ദ സമിതിക്ക് നൽകുമെന്നുമാണ് തീരുമാനമായത്.
എന്നാൽ ദിവസങ്ങൾക്ക് ശ്രേഷം പുറത്ത് വന്ന മിനിറ്റ്സിലെ തീരുമാനം എം.പി.യുടെയും എം.എൽഎയുടെയും പ്രൊപ്പോസൽ വിദഗ്ദ സമിതിക്ക് വിടുമെന്ന് മാറ്റിയിരിക്കുന്നതായി ജനകീയ സമര സമിതി ആരോപിച്ചു. സർവ്വകക്ഷിയോഗത്തിലെ തീരുമാനം വളച്ചൊടിക്കാൻ കളക്ടർ കൂട്ടുനിന്നത് അത്യന്തം ഗുരുതരമാണ്.
കായകുളം മുനിസിപ്പൽ ചെയർപേഴ്സൺ കായംകുളത്ത് എലിവേറ്റഡ് ഹൈവേ വേണമെന്ന ഉറച്ച തീരുമാനം യോഗത്തിൽ പ്രകടിപ്പിച്ചത് മിനിറ്റ്സിൽ ഉൾപ്പെടുത്തിയില്ലെന്നത് ജനാധിപത്യ ധ്വംസനമാണ് സി. പി. എം പ്രതിനധി കെ.എച്ച്. ബാബു ജാൻ, ഡി. സി. സി. പ്രതിനിധി എ.പി. ഷാജഹാൻ, സി.പി.ഐ. പ്രതിനിധി അജികുമാർ സമരസമിതി പ്രതിനിധികൾ എന്നിവർ തൂണിൽ തീർത്ത ഉയരപ്പാതയുടെ ആവശ്യം ശക്തമായി അവതരിപ്പിച്ചു.
തുടർന്ന് മറ്റ് കക്ഷിനേതാക്കളും ഈ അഭിപ്രായത്തോട് യോജിച്ച് ഏകകണ്ഠമായി തീരുമാനമെടുക്കുകയായിരുന്നു.. ഈ തീരുമാനം മാറ്റിയതിലൂടെ
കളക്ടറുടെ ഭാഗത്തുനിന്ന് ഉണ്ടായ വീഴ്ച സർവ്വകക്ഷി യോഗത്തെ പരിഹസിക്കുന്നതും കായംകുളംജനതയെ വഞ്ചിക്കുന്നതുമാണ്.
അടിയന്തിരമായി ഈ മിനിറ്റ്സ് റദ്ദ് ചെയ്യണമെന്നും, മിനിറ്റ്സ് തിരുത്തിയ നടപടിയെ കുറിച്ച് അന്വഷണം നടത്തണമെന്നും സമരസമിതി ചെയർമാൻ അബ്ദുൾ ഹമീദ് ആയിരത്ത് കൺവീനർ ദിനേശ് ചന്ദന എന്നിവർ ആവശ്യപ്പെട്ടു.
